SALMOS 20 - Biblia Guarani Tumpa Iñee

SALMO 20 Yerure ñemoamɨri peguarä

¹ YandeYa toyeapɨsaka nderé mbɨatɨtɨ pe reï yave; Jacob iTumpa etei tandereepɨ.

² Jo mbaemboetea güi tombou tandemborɨ, Sión güi tombou tandemborɨ.

³ Timaendúa opaete mbota remee vae re, jare tipɨakatu tomae mɨmba oyeyukagüe opaetei oyeapɨ remee vae re.

⁴ Tomee ndeve ndepɨa jemimbota rupi kavi, embopo opaete nekɨ̈reɨ reyapo vae.

⁵ Ore royeroviata reporomoamɨri vae re, roupita bandera oreTumpa jee re. ¡YandeYa tomee ndeve opaete reiporu vae!

⁶ Añave aikuaa yandeYa oepɨ jembiparavo; jae oenduta jëta ara ikɨambaea güi, imbaepuere rupi omeeta oporomoamɨri vaerä.

⁷ Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

⁸ Jae reta ipɨtu jare oyepɨaka, ërei ore jekuaeñoi orepɨ̈rata royemboɨ roï.

⁹ CheYa, ¡eepɨ mburuvicha guasu! ¡Eendu oreve, roenɨi yave!