SALMOS 16 - Biblia Guarani Tumpa Iñee

SALMO 16 Mbaeyekou ikavigüe

¹ Cheangareko cheRu Tumpa, echa ndereño ayeko.

² Che jae ndeve: “Nde ko jae cheYa; mbaetɨ yé ndegüi mbae ikavi cheve vae.”

³ Tumpa-raanga reta imbaepuere ko, jese güɨrovia vae reta peguarä.

⁴ Oiporara yaeta, jókuae ikɨ̈reɨ ngatu reve oyeokuai ïru tumpa reta pe vae. Ngaraa che arökuavee tugüɨ chupe reta, jee ave ngaraa aenɨi.

⁵ CheYa, ndeño ko jae chembaeyekou; nde remee aiko vaerä.

⁶ Oñejäa kavi yae cheve ɨvɨ kavía pe, jare ipöra yae ko ɨvɨ chembaerä vae.

⁷ Tamboete cheYa chemboarakuaa vae; pɨ̈tu rupi ave cheyemongeta chemboe.

⁸ Ambotenonde avei cheYa, echa oiko avei cheɨke pe, ngaraa chemongúe vae.

⁹ Jáeramo ayerovia yae jare oyekou yae. Aputuuta akɨɨyembae reve;

¹⁰ echa ngaraa chereeya omanogüe reta ñogüɨnoia pe; ngaraa remaeño che reñono tee vae cheretegüe oikomegua vaerä.

¹¹ Reechaukata cheve tape tekove pegua; reikoa pe oime avei tuichagüe vɨakatu, yerovia katu opambae vae oime ndeɨpɨ pe.