SALMOS 149 - Biblia Guarani Tumpa Iñee

SALMO 149 Israel iñemuña reta oyemboarakuaa omboete vaerä yandeYa

¹ ¡Petairari yandeYa pe tairari ipɨau vae pe! Toñemee mbaemboete chupe, imbae vae reta iyemboatɨa pe.

² Israel iñemuña reta, peyerovia peApoa re; Sión pegua reta, peyerovia peRuvicha guasu re.

³ Pemboete jee peropo reve, petairari chupeguarä angúa raɨ jare arpa ipu rupi.

⁴ Echa yandeYa oyerovia imbae vae reta re; jare omee ipɨa omomichi vae reta pe yereroasayepe.

⁵ Peyerovia, pe imbae vae reta jae iporomoamɨri re, petairari perupa pe ave.

⁶ Peyuru pe pembotuicha Tumpa, jare penoi reve pepo pe kɨsepuku jaimbe yoyavi vae,

⁷ peyepɨ vaerä tëtaguasu reta re, peiporarauka vaerä Tumpa kotɨ oyembopɨapochɨ vae reta pe,

⁸ juvicha guasu reta jare kuimbae imbaepuere yae vae reta peñapɨti vaerä karena jiero pegua pe,

⁹ mborookuai oyekuatiagüe peitɨ vaerä jese reta, oyekuatía oï jesegua reta vae. ¡Kuae, yemboetea tuicha vae ko, jae imbae vae reta peguarä! ¡Aleluya!