SALMOS 133 - Biblia Guarani Tumpa Iñee

SALMO 133 Yoaɨu añetete vae

¹ Mase, ¡täta ikavi jare ipöra, opaete oñoëtara vae reta yogüɨreko vaerä metei rami!

² Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

³ Ɨsápɨi ɨvɨtɨ Hermón re rami, oa ɨvɨtɨ reta Sión re. Echa joko pe yandeYa ombou mborerekua jare tekove opambae vae.