SALMOS 129 - Biblia Guarani Tumpa Iñee

SALMO 129 Yerure Jerusalén jovaicho reta okañɨtei vaerä

^1-2 Tei añave opaete Israel iñemuña reta: “Chembopɨatɨtɨuka yae reta chetaɨrusu güive, ërei mbaetɨ chemoamɨri reta.

³ Oara vae reta oara etei rami chekupe chikote pe, puku oyoo reta chekupe.

⁴ Ërei yandeYa jupi vae, cheyora iyoa vae reta imbaepuere güi.

⁵ ¡Toñemomaraiuka jare totekuarai, opaete Sión imotareɨa reta!

⁶ ¡Toiko reta ñana ovapɨa re oï vae rami, ndei okuakuaa mbove ipiru vae rami!

⁷ Ombaepoo vae mbaetɨ mbae oipoo chugüi, mbaetɨ mbae omboɨru chugüi.

⁸ Oasa jokoropi vae reta ave mbaetɨ vi jei chupe: ‘¡Tumpa tiporerekua peré!’ Ore roe ñee kavi pekotɨ yandeYa jee re.”