SALMOS 128 - Biblia Guarani Tumpa Iñee

SALMO 128 Mborerekua Tumpa güi oipoɨu vae pe

¹ Oyerovia ko opaete Tumpa güi oipoɨu vae, jókuae jemimbota rupi oiko vae.

² Reu ndeparavɨkɨagüe yave, reyeroviata ko jare reiko kavita.

³ Nderembireko, ndero iyɨpɨ pe uva ia yae vae ramita; nemichia reta, nemesa iyɨ́vɨri temitɨ olivo ramita.

⁴ Jökoraita ko yandeYa iporerekua, oipoɨu chugüi vae re.

⁵ ¡Sión güi yandeYa tiporerekua nderé! ¡Eecha Jerusalén oï kavi vae, opaete ara reikove reiko ramboeve!

⁶ ¡Eecha nerɨmɨmino reta! ¡Mbɨakatu toï Israel pe!