SALMOS 124 - Biblia Guarani Tumpa Iñee

SALMO 124 Mbaemboete yereroasayepe re

^1-2 Tei opaete Israel iñemuña reta: “YandeYa mbaetɨ yave mona oï yande ndive, kuimbae reta opüa yanderé yave,

³ opata tëi ko ñanemokañɨtei reta metei jeia pe, iyarasɨ yae yandekotɨ jeko pegua.

⁴ Opata tëi ko ɨ yandeasoi; ¡oguatata tëi ko ɨ yandeárambo rupi!

⁵ ¡Oguatata tëi ko ɨ yavaetegüe yandeárambo rupi!

⁶ ¡Mbaemboete toñemee cheYa pe, echa mbaetɨ omaeño tovaicho reta re, opa vaerä yandembojaɨ jaɨ jäi pe!

⁷ Yanderekove güɨroasayepe iñuai güi, güɨra ojo yepe omaepïaro vae reta iñuai güi rami; ñuai oso jare yande yaasayepe.

⁸ YandeYa re ko oï yandeyemborɨ; ara jare ɨvɨ iyapoa.”