SALMOS 123 - Biblia Guarani Tumpa Iñee

SALMO 123 Yerure Tumpa iporoparareko re

¹ CheYa, cherovaɨva amae ndekotɨ, nde, ara pe reiko vae kotɨ.

² Mase, ko romae ndekotɨ oreYa Tumpa, tembiokuai omae iya rei rami, ani tembiokuai kuña omae iya kuña rei rami, jökorai roäro, nde oreparareko vaerä.

³ OreYa Tumpa, oreparareko, echa orembogüérai ma yeangao reta.

⁴ ¡Orembogüérai ma oikokatu vae reta imbaeyuvanga, jare ipɨayemboete vae reta iporogüɨröɨro!