SALMOS 122 - Biblia Guarani Tumpa IñeeSALMO 122 Yerure oime vaerä mbɨakatu Jerusalén pe 1 ¡Che ayerovia ko, jei reta yave cheve: “Yaja, yandeYa jo pe”! 2 Jerusalén, ¡ko, royu ma roväe neröke japɨpe pe! 3 Jerusalén, ¡metei ramiño tëta guasu oyeapo oï vae! 4 Jokotɨ yogüɨraja ñemuña yandeYa imbae vae reta, mborookuai oñemee Israel pe rami, omboete vaerä yandeYa jee. 5 Echa joko pe oime guapɨka morojäa pegua, David iguapɨka reta mburuvicha pegua. 6 Peyerure, oime vaerä mbɨakatu Jerusalén pe, ¡toyogüɨreko kavi nderaɨu vae reta! 7 Toiko mbɨakatu nekësea reta japɨpe, toiko mbutuu mburuvicha reta jo reta rupi. 8 Cherëtara reta jare cheïru reta aaɨu jeko pegua tae: “Mbɨakatu toiko nde ndive. 9 YandeYa Tumpa jo aaɨu jeko pegua, aeka aveita ikavi vae ndeveguarä.” |
Biblia DC Guaraní Bolivia © Bolivian Bible Society, 2001.
Bolivian Bible Society