SALMOS 121 - Biblia Guarani Tumpa Iñee

SALMO 121 YandeYa ko ndeangarekoa

¹ Amae ɨvɨtɨ reta kotɨ jare jae: “¿Ketɨ güi ra outa yemborɨ cheve?”

² Yemborɨ outa cheve, cheYa güi, ara jare ɨvɨ iyapoa güi.

³ ¡Ngaraa omaeño regüɨapi! ¡Ngaraai oke ndeangareko vae!

⁴ Mase, ngaraai jopeɨ ani oke, Israel iñemuña reta re oyangareko vae.

⁵ YandeYa ko jae ndeangarekoa, jae ko oï ndeɨpɨ pe ndemborɨ vaerä.

⁶ Kuaraɨasɨ ngaraa ndeaporai, ani yasɨ ngaraa maratu ndeapo.

⁷ YandeYa ko neovatuta opaete ikavimbae güi, jae ko oñovatuta nderekove.

⁸ YandeYa ko neovatu opaete mbaembae güi, añave güive jekuae avei rupi.