SALMOS 113 - Biblia Guarani Tumpa Iñee

SALMO 113 Mbaemboete Tumpa iporoparareko re

¹ ¡YandeYa jembiokuai reta! ¡Pemboete yandeYa! ¡Pemboete jae jee!

² ¡Toyemboete yandeYa jee, añave güive jekuae avei rupi!

³ ¡Toyemboete yandeYa jee, opaete kerupi!

⁴ YandeYa, tuichagüe yae ko opaete tëtaguasu reta re, ¡jaeramiño vi iyemboetea oasa yé ara!

⁵ ¿Kia pa yandeYa Tumpa rami? ¿Kia pa güɨnoi iporookuaía ɨvate yeyé?

⁶ Ërei oñemomichi jare omae, ara re jare ɨvɨ re.

⁷ YandeYa omopüa paravete yae vae, mbaravete güi, güɨnoe iporiau yae vae, mboriau güi;

⁸ omboguapɨ vaerä mburuvicha reta ndive, jëta pegua mburuvicha reta ndive.

⁹ Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!