SALMOS 110 - Biblia Guarani Tumpa Iñee

SALMO 110 YandeYa omee mbaepuere mburuvicha guasu pe

¹ YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

² Sión güi yandeYa ombouta ndeve popoka mborookuai pegua; ¡enoi mbaepuere nderovaicho reta re!

³ Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

⁴ YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

⁵ YandeYa oï ndeakatu kotɨ; iyarasɨ iara pe, jae omokañɨteita mburuvicha guasu reta;

⁶ ojäata tëtaguasu reta, omotɨnɨeta tëogüe pe; ¡oyokata äka reta opaete ɨvɨ rupi!

⁷ Oɨuta tape rupi ɨ̈aka raɨ güi, jókuae ɨ omoäta ngatu yeta.