NÚMEROS 33 - Biblia Guarani Tumpa Iñee

Israel iñemuña reta iguata Egipto güive ɨ̈aka Jordán pe

¹ Kuae ko jae Israel iñemuña iguata, ɨvɨ Egipto güi ñogüɨnoe yave oyoaɨkue yoaɨkue reve kavi, Moisés jare Aarón iporookuai rupi.

² YandeYa iporookuai rupi Moisés oikuatía oiko kia güi ñogüɨnoe vae jare kia pe yogüɨraja oväe vae. Körai oyekuatía oï kia güi ko ñogüɨnoe vae.

³ Tëta Ramesés güi ñogüɨnoe tenondegua yasɨ pe, ara quince pe; Pascua mókoi araa pe ñogüɨnoe Israel iñemuña reta mbaepuere yae rupi, opaete Egiptoɨgua reta jovake,

⁴ jae reta oñotɨ ramboeve opaete taɨrɨpɨ reta yandeYa güeru mano jese vae reta, jókuae rupi yandeYa oitɨ iyarasɨ itumpa-raanga reta re.

⁵ Israel iñemuña reta ñogüɨnoe Ramesés güi jare opa yogüɨraja oyembojeyupa Sucot pe.

⁶ Sucot güi ñogüɨnoe jare opa yogüɨraja oyembojeyupa Etam pe, ñuu jembeɨ pe.

⁷ Etam güi ñogüɨnoe jare oyerova reta Pi-hahirot kotɨ, Baal-zefón güi kuaraɨ oëa kotɨ oï vae, jare oyembojeyupa reta Migdol jóvai.

⁸ Pi-hahirot güi ñogüɨnoe jare oasa reta ɨguasu ipäu rupi ñuu kotɨ, jare oguata reta mboapɨ ara ñuu Etam rupi, jare opa yogüɨraja oyembojeyupa Mara pe.

⁹ Mara güi ñogüɨnoe jare opa yogüɨraja oväe Elim pe, joko pe oime doce ɨ jesaɨ vae jare setenta karandaɨ; jare oyembojeyupa reta joko pe.

¹⁰ Elim güi ñogüɨnoe jare opa yogüɨraja oyembojeyupa Ɨguasu Pɨ̈ta vae jembeɨ pe.

¹¹ Ɨguasu Pɨ̈ta vae jembeɨ güi ñogüɨnoe jare opa yogüɨraja oyembojeyupa ñuu Sin pe.

¹² Ñuu Sin güi ñogüɨnoe jare opa yogüɨraja oyembojeyupa Dofca pe.

¹³ Dofca güi ñogüɨnoe jare opa yogüɨraja oyembojeyupa Alús pe.

¹⁴ Alús güi ñogüɨnoe jare opa yogüɨraja oyembojeyupa Refidim pe, joko pe Israel iñemuña reta mbaetɨ ɨ jou vaerä.

¹⁵ Refidim güi ñogüɨnoe jare opa yogüɨraja oyembojeyupa ñuu Sinaí pe.

¹⁶ Ñuu Sinaí güi ñogüɨnoe jare opa yogüɨraja oyembojeyupa Kibrot-hataava pe.

¹⁷ Kibrot-hataava güi ñogüɨnoe jare opa yogüɨraja oyembojeyupa Hazerot pe.

¹⁸ Hazerot güi ñogüɨnoe jare opa yogüɨraja oyembojeyupa Ritma pe.

¹⁹ Ritma güi ñogüɨnoe jare opa yogüɨraja oyembojeyupa Rimón-peres pe.

²⁰ Rimón-peres güi ñogüɨnoe jare opa yogüɨraja oyembojeyupa Libna pe.

²¹ Libna güi ñogüɨnoe jare opa yogüɨraja oyembojeyupa Rissa pe.

²² Rissa güi ñogüɨnoe jare opa yogüɨraja oyembojeyupa Ceelata pe.

²³ Ceelata güi ñogüɨnoe jare opa yogüɨraja oyembojeyupa ɨvɨtɨ Sefer re.

²⁴ Ɨvɨtɨ Sefer güi ñogüɨnoe jare opa yogüɨraja oyembojeyupa Harada pe.

²⁵ Harada güi ñogüɨnoe jare opa yogüɨraja oyembojeyupa Macelot pe.

²⁶ Macelot güi ñogüɨnoe jare opa yogüɨraja oyembojeyupa Tahat pe.

²⁷ Tahat güi ñogüɨnoe jare opa yogüɨraja oyembojeyupa Tara pe.

²⁸ Tara güi ñogüɨnoe jare opa yogüɨraja oyembojeyupa Mitca pe.

²⁹ Mitca güi ñogüɨnoe jare opa yogüɨraja oyembojeyupa Hasmona pe.

³⁰ Hasmona güi ñogüɨnoe jare opa yogüɨraja oyembojeyupa Moserot pe.

³¹ Moserot güi ñogüɨnoe jare opa yogüɨraja oyembojeyupa Bene-jaacán pe.

³² Bene-jaacán güi ñogüɨnoe jare opa yogüɨraja oyembojeyupa ɨvɨtɨ Gidgad re.

³³ Ɨvɨtɨ Gidgad güi ñogüɨnoe jare opa yogüɨraja oyembojeyupa Jotbata pe.

³⁴ Jotbata güi ñogüɨnoe jare opa yogüɨraja oyembojeyupa Abrona pe.

³⁵ Abrona güi ñogüɨnoe jare opa yogüɨraja reta oyembojeyupa Ezión-geber pe.

³⁶ Ezión-geber güi ñogüɨnoe jare opa yogüɨraja oyembojeyupa ñuu Zin pe, jae ko Cades.

³⁷ Cades güi ñogüɨnoe jare opa yogüɨraja oyembojeyupa ɨvɨtɨ Hor re, ɨvɨ Edom jembeɨ pe.

³⁸ Jare sacerdote Aarón oyeupi ɨvɨtɨ Hor re, yandeYa jei chupe rami, jare joko pe omano, cuarenta año ma Israel iñemuña reta ñogüɨnoe ɨvɨ Egipto güi yave, tenondegua ara pe, yasɨ pandepoa pe.

³⁹ Aarón güɨnoi ma ciento veintitré año yave omano ɨvɨtɨ Hor re.

⁴⁰ Jare cananeo, Arad pegua mburuvicha guasu Neguev pe oiko vae ɨvɨ Canaán pe, oendu Israel iñemuña reta yogüeru vae.

⁴¹ Ɨvɨtɨ Hor güi ñogüɨnoe jare opa yogüɨraja oyembojeyupa Zalmona pe.

⁴² Zalmona güi ñogüɨnoe jare opa yogüɨraja oyembojeyupa Punón pe.

⁴³ Punón güi ñogüɨnoe jare opa yogüɨraja oyembojeyupa Obot pe.

⁴⁴ Obot güi ñogüɨnoe jare opa yogüɨraja oyembojeyupa Ije-abarim pe, ɨvɨ Moab jembeɨ pe.

⁴⁵ Ije-abarim güi ñogüɨnoe jare opa yogüɨraja oyembojeyupa Dibón-gad pe.

⁴⁶ Dibón-gad güi ñogüɨnoe jare opa yogüɨraja oyembojeyupa Almón-diblataim pe.

⁴⁷ Almón-diblataim güi ñogüɨnoe jare opa yogüɨraja oyembojeyupa ɨvɨtɨ Abarim re, ɨvɨtɨ Nebo jóvai.

⁴⁸ Ɨvɨtɨ Abarim güi ñogüɨnoe jare opa yogüɨraja oyembojeyupa ɨvɨ Moab pe, Jordán jembeɨ pe, tëta Jericó re katu.

⁴⁹ Jeyupa reta Jordán jembeɨ pe oï vae oyemboɨpɨ Bet-jesimot güive Abel-sitim kotɨ ojoi oväe, kuae ko ɨvɨ Moab pe.

Këraita oyemboyao ɨvɨ Canaán vae

⁵⁰ Jare yandeYa jei Moisés pe, ɨvɨ Moab pe, ɨ̈aka Jordán jembeɨ pe, Jericó re katu:

⁵¹ “Ere Israel iñemuña reta pe: Peasa ma ɨ̈aka Jordán peiko vaerä ɨvɨ Canaán pe yave,

⁵² penoe pemombo opaete jókuae ɨvɨ pegua, jare pemboai opaete itumpa-raanga ita pegua, jare opaete mbae iä jiero pegua oyemondɨkui oyeapo vae, jare pemboai opaete itumpa-raanga omboete jese vae ɨvɨtɨ re güɨnoi reta vae.

⁵³ Pepɨ̈ro jókuae ɨvɨ jare peiko pɨpe; echa che ko amee peve pembaerä.

⁵⁴ Pemboyao peyeupe ɨvɨ suerte rupi, peñemuña ñavo rupi; jeta vae reta imbaerä pemee tuicha, jare mbovɨño vae reta imbaerä pemee michiño; suerte oaa pe toipɨɨ reta iyeupe; peru reta iñemuña rupi penoita.

⁵⁵ Ërei mbaetɨ yave penoe pemombo peyeugüi jókuae ɨvɨ pegua reta, jókuae opɨtagüe reta yogüɨrekota peve yepea jaɨgüe peresa pe oï rami, ani ñurati rami peɨke re, jare oiporaraukata peve kuae ɨvɨ peikota pɨpe vae pe;

⁵⁶ jare che ayapota peve, chupe reta ayemongeta tëi ayapo vaerä vae.”