NÚMEROS 29 - Biblia Guarani Tumpa Iñee

Mimbɨguasu reta iarete

¹ Chiúa yasɨ pe, tenondegua ara pe, penoi yemboatɨ guasu Tumpa peguarä, jókuae ara agüɨye peyapo mbae nunga mbaravɨkɨ ave. Mimbɨguasu oñemoñee iara toiko peveguarä.

² Pemee mɨmba oyeyukagüe opaetei oyeapɨ vae, yandeYa pe ipiche katu vae; metei toro taɨrusu vae, metei vecha kuimbae, chiu vecha kuimbae taɨrusu vae, metei año vae, jete kavi vae.

³ Jare mbota oñemee jae ndive vae, trigokúi ipɨuasɨ kavi vae, asaite ndive oyemómbɨu vae, ova kilo toro taɨrusu vae ñavo ndive, jare irundɨ kilo vecha kuimbae ñavo ndive,

⁴ jare mókoi kilo vecha kuimbae taɨrusu vae ñavo ndive;

⁵ pemee vi metei kavara kuimbae Tumpa iñɨ̈ro vaerä mbaeyoa re, peñeñono kavi vaerä.

⁶ Kuae reta pemee vi oñemee reve mɨmba oyeyukagüe opaetei oyeapɨ yasɨ ñavo vae mbota reta ndive jare ara ñavo oñemee vae mbota reta ndive jare vino oyepɨyere vae mborookuai jei rami. Mbota oyeapɨ ipiche katu yandeYa pe vae ko.

Mɨmba oyeyuka Tumpa iñɨ̈ro mbaeyoa re vae regua iara

⁷ Ara payandepoa pe, jókuae yasɨ chiúa pe peyapo yemboatɨ guasu Tumpa peguarä, peyekuaku tembíu güi; jókuae ara agüɨye peyapo mbae nunga mbaravɨkɨ ave.

⁸ Pemee mɨmba oyeyukagüe opaetei oyeapɨ vae, yandeYa pe ipiche katu vae, metei toro taɨrusu vae, metei vecha kuimbae, chiu vecha kuimbae taɨrusu vae, metei año vae, jete kavi vae.

⁹ Kuae reta ndive mbota oñemee vae, trigokúi ipɨuasɨ kavi vae, olivo iasaite pe oyemómbɨu vae, ova kilo toro taɨrusu vae ñavo ndive, jare irundɨ kilo vecha kuimbae ñavo ndive,

¹⁰ jare mókoi kilo vecha kuimbae taɨrusu vae ñavo ndive.

¹¹ Pemee vi metei kavara kuimbae Tumpa iñɨ̈ro vaerä mbaeyoa re; oñemee reve jókuae Tumpa iñɨ̈ro vaerä mbaeyoa re vae iara pe, jare mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae oñemee jae ndive vae.

Mbota reta küaraɨa iarete pe

¹² Yasɨ chiúa pe, ara quince pe, penoi yemboatɨ guasu Tumpa peguarä; jókuae ara agüɨye peyapo mbae nunga mbaravɨkɨ ave, peyapo chiu ara arete ikavi yae vae yandeYa pe.

¹³ Pemee mɨmba oyeyukagüe opaetei oyeapɨ vae yandeYa pe ipiche katu vae, trece toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

¹⁴ Kuae reta ndive mbota oñemee vae, trigokúi ipɨuasɨ kavi vae, olivo iasaite pe oyemómbɨu vae, ova kilo toro taɨrusu vae ñavo ndive, jókuae trece vae, jare irundɨ kilo vecha kuimbae ñavo ndive, jókuae mókoi vae,

¹⁵ jare mókoi kilo vecha kuimbae taɨrusu vae ñavo ndive.

¹⁶ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

¹⁷ Ara mokoía pe pemee doce toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

¹⁸ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

¹⁹ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

²⁰ Ara mboapɨa pe pemee once toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

²¹ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

²² Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

²³ Ara irundɨa pe pemee payandepo toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

²⁴ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

²⁵ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

²⁶ Ara pandepoa pe pemee chau toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

²⁷ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

²⁸ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

²⁹ Ara ovaa pe pemee juri toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

³⁰ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

³¹ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

³² Ara chiúa pe pemee chiu toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

³³ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

³⁴ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

³⁵ Ara juría pe penoi yemboatɨ ikavi yae vae Tumpa peguarä; jókuae ara agüɨye peyapo mbae nunga mbaravɨkɨ ave.

³⁶ Pemee mɨmba oyeyukagüe opaetei oyeapɨ vae yandeYa pe ipiche katu vae; metei toro taɨrusu vae, metei vecha kuimbae, jare chiu vecha kuimbae taɨrusu vae, metei año vae, jete kavi vae.

³⁷ Kuae reta ndive mbota oñemee vae, jare vino oyepɨyere vae, toro taɨrusu vae ñavo ndive, vecha kuimbae ñavo ndive, jare vecha kuimbae taɨrusu vae ñavo ndive, toñemoïru mbovɨ mɨmba oñemee rupi, mborookuai jei rami.

³⁸ Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

³⁹ Jae kuae mbota reta pemeeta yandeYa pe vae, peyapo arete ikavi yae vae Tumpa peguarä yave, pemee reve pe aeño peñererökuavee pemee vaerä vae, ani pepɨa-kɨ̈reɨ ngatu reve pemee vae; mɨmba oyeyukagüe opaetei oyeapɨ vae yepe, mbota temitɨ jäɨgüe, ani vino oyepɨyere vae, ani mbota yembopɨakatu pegua yepe.”

⁴⁰ Jare Moisés jei Israel iñemuña reta pe opaete yandeYa oyókuai vae rami.