NÚMEROS 26 - Biblia Guarani Tumpa Iñee

Israel iñemuña reta oyepapa Moab pe

¹ Jare jókuae mbaerasɨ pɨ̈chɨi yae vae oparapiti vae oasa güire, yandeYa jei Moisés jare Eleazar sacerdote Aarón taɨ pe:

² “Peipapa opaete Israel iñemuña reta, veinte año vae güi kutɨ metei tu ñavo rupi, opaete ipuere ma ñeraro pe yogüɨraja vae reta.”

³ Moisés jare Eleazar imiari jae reta ndive ɨvɨ Moab pe, ɨ̈aka Jordán jembeɨ pe, tëta Jericó re katu,

⁴ veinte año vae güi kutɨ peipapa, yandeYa oyókuai Moisés jare Israel iñemuña reta ɨvɨ Egipto güi ñogüɨnoe yave rami.

⁵ Israel taɨrɨpɨ jae ko Rubén. Jae taɨ reta güi jeta oñemuña vae. Rubén taɨ reta jae ko: Enoc, Falú,

⁶ Hezrón jare Carmi.

⁷ Kuae ko jae Rubén iñemuña reta; chugüi reta oyepapa cuarenta y tres mil seteciento treinta kuimbae.

⁸ Falú taɨ ko Eliab,

⁹ jare Eliab taɨ reta ko: Nemuel, Datán jare Abiram. Kuae Datán jare Abiram jae ko omboemboe jeta vae reta omopüauka Moisés jare Aarón kotɨ vae reta, yandeYa kotɨ oyemboyovaicho reta yave;

¹⁰ ërei ɨvɨ oyepeka jare opa omókoi reta jare vi Coré, jókuae dosciento cincuenta kuimbae oyemboyovaicho vae reta opa ókai yave. Jókuae jae ko oyeandu vaerä ïru reta.

¹¹ Ërei Coré taɨ reta mbaetɨ omano.

¹² Simeón taɨ reta jeta oñemuña chugüi vae jae ko: Nemuel, Jamín;

¹³ Zera jare Saúl.

¹⁴ Kuae ko jae Simeón iñemuña reta; chugüi reta oyepapa veintidó mil dosciento.

¹⁵ Gad taɨ reta jeta oñemuña chugüi vae jae ko: Zefón, Hagui, Suni,

¹⁶ Ozni, Eri,

¹⁷ Arod jare Areli.

¹⁸ Kuae ko jae Gad iñemuña reta; chugüi reta oyepapa cuarenta mil quiniento.

¹⁹ Judá taɨ reta omano ɨvɨ Canaán pe vae reta jae ko: Er jare Onán.

²⁰ Judá taɨ reta jeta oñemuña chugüi vae jae ko: Sela, Fares jare Zera.

²¹ Jare Fares taɨ reta jeta oñemuña chugüi vae jae ko: Hezrón jare Hamul.

²² Kuae ko jae Judá iñemuña reta; chugüi reta oyepapa setenta y seis mil quiniento.

²³ Isacar taɨ reta jeta oñemuña chugüi vae jae ko: Tola, Fúa,

²⁴ Jasub jare Simrón.

²⁵ Kuae ko jae Isacar iñemuña reta; chugüi reta oyepapa setenta y cuatro mil tresciento.

²⁶ Zabulón taɨ reta jeta oñemuña chugüi vae jae ko: Sered, Elón jare Jahleel.

²⁷ Kuae ko jae Zabulón iñemuña reta; chugüi reta oyepapa sesenta mil quiniento.

²⁸ José taɨ reta jeta oñemuña chugüi vae jae ko: Manasés jare Efraín.

²⁹ Jare Manasés taɨ jeta oñemuña chugüi vae jae ko Maquir; jare Maquir taɨ ko Galaad;

³⁰ kuae ko jae Galaad taɨ reta jeta oñemuña chugüi vae jae ko: Jezer, Helec,

³¹ Asriel, Siquem,

³² Semida jare Hefer.

³³ Jare Zelofehad jae ko Hefer taɨ, jae mbaetɨ taɨ, tayɨ reta oime, jae reta jee: Maala, Noa, Hogla, Milca jare Tirsa.

³⁴ Kuae ko jae Manasés iñemuña reta; chugüi reta oyepapa cincuenta y dos mil seteciento.

³⁵ Kuae ko jae Efraín taɨ reta jeta oñemuña chugüi vae jae ko: Sutela, Bequer jare Tahán.

³⁶ Jare Sutela taɨ jeta oñemuña chugüi vae jae ko Erán.

³⁷ Kuae ko jae Efraín taɨ reta iñemuña reta; chugüi reta oyepapa treinta y dos mil quiniento. Jae ko kuae José iñemuña reta jëtara ñavo rupi.

³⁸ Benjamín taɨ reta jeta oñemuña chugüi vae jae ko: Bela, Asbel, Ahiram,

³⁹ Sufam jare Hufam.

⁴⁰ Jare Bela taɨ reta jeta oñemuña chugüi vae jae ko: Ard jare Naamán.

⁴¹ Kuae ko jae Benjamín taɨ reta iñemuña reta; chugüi reta oyepapa cuarenta y cinco mil seisciento.

⁴² Kuae ko jae Dan taɨ jeta oñemuña chugüi vae jae ko Súham.

⁴³ Súham iñemuña reta güi oyepapa sesenta y cuatro mil cuatrociento.

⁴⁴ Aser taɨ reta jeta oñemuña chugüi vae jae ko: Imna, Isúi jare Bería.

⁴⁵ Bería taɨ reta jeta oñemuña chugüi vae jae ko: Heber jare Malquiel.

⁴⁶ Jare Aser tayɨ jee Sera.

⁴⁷ Kuae ko jae Aser taɨ reta iñemuña reta; chugüi reta oyepapa cincuenta y tres mil cuatrociento.

⁴⁸ Neftalí taɨ reta jeta oñemuña chugüi vae jae ko: Jahzeel, Guni,

⁴⁹ Jezer jare Silem.

⁵⁰ Kuae ko jae Aser iñemuña reta; chugüi reta oyepapa cuarenta y cinco mil cuatrociento.

⁵¹ Kuae ko jae opaete Israel iñemuña reta oyepapagüe: seisciento un mil seteciento treinta.

Mborookuai ɨvɨ oyemboyao yao vaerä

⁵² YandeYa jei Moisés pe:

⁵³ “Kuae reta pe toyemboyao ɨvɨ, oyepapa ñogüɨnoi rupi.

⁵⁴ Ñemuña jeta vae pe emee tuicha ɨvɨ; mbovɨño vae pe emee michiño; metei ñavo pe remeeta ɨvɨ oyepapa ñogüɨnoi rupi.

⁵⁵ Ërei toñemee ɨvɨ suerte rupi; ñemuña iyɨpɨ jee rupi toipɨɨ reta.

⁵⁶ Suerte rupi toñemee ɨvɨ jeta vae pe jare mbovɨño vae pe.”

Leví iñemuña reta oyepapa

⁵⁷ Leví taɨ reta oyepapa iñemuña reta ae rupi vae jae ko: Gersón, Coat jare Merari.

⁵⁸ Jare Libni, Hebrón, Mahli, Musi jare Coré jae vi ko Leví iñemuña reta. Jare Coat jae ko Amram tu.

⁵⁹ Amram jembireko jee Jocabed, Leví tayɨ, Egipto pe oa chupe vae; kuae kuña imembɨ Amram pe, jare oa chupe Aarón, Moisés jare jeindɨ María.

⁶⁰ Jare Aarón taɨ reta jae ko: Nadab, Abiú, Eleazar jare Itamar.

⁶¹ Ërei Nadab jare Abiú omano güɨroike reta tata ambuae vae yandeYa jóvai jeko pegua.

⁶² Jayave Leví iñemuña reta güi oyepapa veintitré mil, opaete kuimbae reta metei yasɨ vae güi kutɨ; echa mbaetɨ oyepapa Israel iñemuña reta ipɨte pe, echa mbaetɨta oñemee chupe reta iɨvɨrä Israel iñemuña reta ipɨte pe.

Caleb jare Josué oikove vɨteriño

⁶³ Kuae reta jae ko Israel iñemuña reta Moisés jare Eleazar oipapa ɨvɨ Moab pe vae, ɨ̈aka Jordán jembeɨ pe, tëta Jericó re katu.

⁶⁴ Jare kuae reta ipɨte pe mbaetɨ metei ave, jókuae Moisés jare Aarón oipapa ñuu Sinaí pe vae güi,

⁶⁵ echa yandeYa omoërakua opata ko omano ñuu rupi vae; chugüi reta mbaetɨ metei kuimbae ave jembɨre, jaeño Caleb Jefone taɨ, jare Josué Nun taɨ.