NEHEMÍAS 10 - Biblia Guarani Tumpa Iñee

¹ Jee oikuatía vae reta jae ko: Che mburuvicha Nehemías, Hacalías taɨ, jare Sedequías,

² Seraías, Azarías, Jeremías,

³ Pasur, Amarías, Malquías,

⁴ Hatús, Sebanías, Maluc,

⁵ Harim, Meremot, Obadías,

⁶ Daniel, Ginetón, Baruc,

⁷ Mesulam, Abías, Mijamín,

⁸ Maazías, Bilgai jare Semaías; kuae reta ko sacerdote.

⁹ Jare levita reta: Jesúa, Azanías taɨ, Binúi, Henadad taɨ jare Cadmiel,

¹⁰ jare jëtara reta: Sebanías, Hodías, Kelita, Pelaías, Hanán,

¹¹ Micaía, Rehob, Hasabías,

¹² Zacur, Serebías, Sebanías,

¹³ Hodías, Bani jare Beninu.

¹⁴ Jare tëta ruvicha reta jae: Paros, Pahat-moab, Elam, Zatu, Bani,

¹⁵ Buni, Azgad, Bebai,

¹⁶ Adonías, Bigvai, Adín,

¹⁷ Ater, Ezequías, Azur,

¹⁸ Hodías, Hasum, Bezai,

¹⁹ Harif, Anatot, Nebai,

²⁰ Magpías, Mesulam, Hezir,

²¹ Mesezabeel, Sadoc, Jadúa,

²² Pelatías, Hanán, Anaías,

²³ Oseas, Hananías, Hasub,

²⁴ Halohes, Pilha, Sobec,

²⁵ Rehum, Hasabna, Maasías,

²⁶ Ahías, Hanán, Anán,

²⁷ Maluc, Harim jare Baana.

²⁸ Jare ïru vae reta: Sacerdote reta, levita reta, öke iyangarekoa reta, otairari vae reta, tembiokuai reta tupao guasu pe oyeokuai vae, jare opaete oyembosɨrɨ ïru tëta ambuae reta güi yogüɨreko vaerä Tumpa iporookuai rupi vae reta, jembireko reve reve, taɨ reta, tayɨ reta, opaete yarakuaa ma vae reta,

²⁹ oñemoïru jëtara reta ndive, juvicha reta ndive, jare oñererökuavee reta Tumpa jee re yogüɨreko vaerä mborookuai jae omee jembiokuai Moisés rupi vae rupi, kërai jae reta oñovatuta jare oyapota opaete yandeYa iporookuai reta.

³⁰ Jare mbaetɨta romomenda orerayɨ reta ïru tëta pegua reta ndive, ani oreraɨ reta ave mbaetɨta romaeño omenda jokotɨgua kuñatai reta ndive.

³¹ Jaeramiño vi, jókuae tëta pegua reta güeru ara mbutuu pegua pe omee vaerä mbae ani mbae yau vae yave, mbaetɨta rogua chugüi reta, ani ïru ara oñeñono tee Tumpa peguarä vae pe ave; jaeramiño vi año chiúa pe mbaetɨta romaetɨ jare oreɨ̈rota opaete mbia reta re.

³² Jare roñono vi mborookuai oreyeupe romee vaerä año ñavo irundɨ gramo korepoti oyemboepɨ vaerä ñaneTumpa jo pe mbaembae oyeapo vae,

³³ mbɨyape mbaemboete peguarä, mbota reta ara ñavo oñemee vae peguarä, mɨmba oyeyukagüe opaeteita oyeapɨ ara ñavo vae peguarä, ara mbutuu peguarä, yasɨ pɨau peguarä, jare ïru arete reta peguarä; jare opaete ïru mbota reta peguarä, mbota Israel pegua reta iyoa oyemboai vae peguarä, jare opaete mbaemboete Tumpa jo pe oyeapo vae peguarä.

³⁴ Jare opaete sacerdote reta, levita reta jare tëta pegua reta royapo suerte orerëtara ñavo rupi, rogüeru vaerä yepea año ñavo ñaneTumpa jo pe, oyereruta ara oyeparavo jókuae peguarä vae pe, oyeapɨ vaerä mɨmba oyeyuka oyeapɨ jese vae re, mborookuai pe oyekuatía oï rami.

³⁵ Jare roñeñono vi rogüɨraja vaerä año ñavo yandeYa jo pe orembaagüɨyerɨpɨ reta, jare opaete ɨvɨra iarɨpɨ,

³⁶ jare rogüɨraja vaerä vi ñaneTumpa jo pe oreraɨrɨpɨ reta, jare orerɨmba guaka jare vecha imembɨrɨpɨ reta, mborookuai pe oyekuatía oï rami, sacerdote reta Tumpa jo pe oyeokuai vae reta jóvai.

³⁷ Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

³⁸ Jare jókuae levita reta yogüɨraja güeru vaerä jókuae payandepo güi metei vae yave, ojota jupíe metei sacerdote Aarón iñemuña. Javoi levita reta güɨraja yoapɨ yeta payandepo vae güi metei tupao guasu pe mbaembae oñeñovatúa pe, jókuae payandepo güi metei vae omboresivegüe güi,

³⁹ echa Israel iñemuña reta jare levita reta güɨrajata mbota tupao guasu pe mbaembae oñeñovatúa pe mbae jäi, vino, olivo iasaite; jae ko tembiporu reta, sacerdote reta, öke iyangarekoa reta jare otairari vae reta ñogüɨnoia pe. Jökorai roñeñono agüɨye vaerä roeya ñaneTumpa jo.