JOSUÉ 12 - Biblia Guarani Tumpa Iñee

Moisés omoamɨrigüe jare opɨ̈rogüe

¹ Kuae ko jae mburuvicha guasu reta Israel iñemuña reta omoamɨri ɨ̈aka Jordán güi kuaraɨ oëa kotɨ vae, jare ɨvɨ opɨ̈rogüe reta, ɨ̈aka Arnón güive ɨvɨtɨ Hermón kotɨ, opaete ɨvɨpe kavi Arabá ndive, kuaraɨ oëa kotɨ:

² Sehón, amorreo reta juvicha guasu, Hesbón pe oikose vae, iporookuaía oyemboɨpɨse Aroer güive, ɨ̈aka Arnón jembeɨ pe oï vae, jare ɨvɨtɨ päu ipe kavi mbɨte güive jare Galaad mbɨte güi, ɨ̈aka Jaboc kotɨ, Amón iñemuña reta iɨvɨ jembeɨ rupi,

³ jare ɨvɨpe kavi Arabá güive Ɨguasu Cineret kotɨ, kuaraɨ oëa kotɨ; Ɨguasu Jembochɨ vae kuaraɨ oëa kotɨ, Bet-jesimot tape ojoa rupi jare arayevɨ kotɨ ɨvɨtɨ Pisga igüɨ pe.

⁴ Jare Og, mburuvicha guasu Basán pegua iɨvɨ, jae ko refaita reta güi jembɨregüe, Astarot jare Edrei pe oikose vae.

⁵ Jare oporookuaise ɨvɨtɨ Hermón pe, Salca pe, opaete Basán güive Gesur jare Maaca jembeɨ pe, jare Galaad mbɨte rupi, Sehón, mburuvicha guasu Hesbón pegua iɨvɨ pe.

⁶ Moisés jare Israel iñemuña reta omoamɨri kuae mburuvicha guasu reta, jare Moisés omee kuae ɨvɨ reta Rubén jare Gad iñemuña reta imbaerä, jare Manasés iñemuña oyemboyaogüe reta imbaerä.

Josué omoamɨrigüe jare opɨ̈rogüe

⁷ Kuae ko jae mburuvicha guasu reta Josué jare Israel iñemuña reta omoamɨri ɨ̈aka Jordán güi kuaraɨ oikea kotɨ vae, Baal-gad ɨvɨtɨ päu Líbano pe oï vae güive, jare ɨvɨtɨ Halac kotɨ, Seir kotɨ oyeupi vae; jare Josué omboyao ɨvɨ Israel iñemuña reta pe imbaerä;

⁸ ɨvɨtɨ guasu rupi, ɨvɨpe kavi rupi, ɨvɨ Arabá rupi, ɨvɨtɨ ikúa rupi, ñuu rupi jare Neguev rupi. Kuae ɨvɨ reta jae ko heteo reta, amorreo reta, cananeo reta, ferezeo reta, heveo reta jare jebuseo reta imbaegüe.

⁹ Mburuvicha guasu reta ñamɨrigüe jae ko: Jericó pegua, Hai pegua, kuae tëta guasu oï Bet-el iyɨpɨ pe,

¹⁰ Jerusalén pegua, Hebrón pegua,

¹¹ Jarmut pegua, Laquis pegua,

¹² Eglón pegua, Gezer pegua,

¹³ Debir pegua, Geder pegua,

¹⁴ Horma pegua, Arad pegua,

¹⁵ Libna pegua, Adulam pegua,

¹⁶ Maceda pegua, Bet-el pegua,

¹⁷ Tapúa pegua, Hefer pegua,

¹⁸ Afec pegua, Sarón pegua,

¹⁹ Madón pegua, Hazor pegua,

²⁰ Simron-merón pegua, Acsaf pegua,

²¹ Taanac pegua, Meguido pegua,

²² Cedes pegua, Jocneam, Carmelo pegua,

²³ Dor pegua, ɨvɨ Dor pe, Goim pegua, Gilgal pe,

²⁴ Tirsa pegua. Opaete reve treinta uno mburuvicha guasu.