JOB 18 - Biblia Guarani Tumpa Iñee

Bildad imiari iyoa vae reta maratuta yogüɨreko vae re

¹ Bildad Súa pegua jei Job pe:

² ¿Kërai yave pa nemiari poita? Eyemongeta kavi räri, javoi ñanemiari.

³ ¿Maera pa remae oreré mɨmba re rami, jare iyarakuaambae rami?

⁴ ¿Rerovia pa ndearasɨ yae reve reñekari vae rupi, opɨtata ipombae ɨvɨ jare ɨ̈vavira osɨrɨ jenda güi?

⁵ Añete, iyoa vae reta iara opata, tata opa ogüe vae ramita ko.

⁶ Tembipe okañɨta jo pe, imechero ogüeta chugüi.

⁷ Ipɨ̈roata oguata vae, opata chugüi, iyemongeta kavimbae pe aeño oata.

⁸ Echa ñuai oñeñonota japerä pe, jare jókuae ñuai pe oyepɨɨukata.

⁹ Ipɨñúa rupi oipɨɨta ñuai, jare mbaetɨta oyera chugüi.

¹⁰ Ñuai iïcha oñeomi oï ɨvɨ pe, metei ñuai oäro tape pe.

¹¹ Oipota rupi güi omongɨɨye vae, ombotekuaraita oipota rupi.

¹² Yɨmbɨaɨ ombopɨtuta, jare iyɨpɨ pe oïndaivi oï susere.

¹³ Mbaerasɨ jouta ipire, takuasɨ opata jete omojëogüe.

¹⁴ Oyerovia jese vae oñerenoeta jo güi, jare oyererajaukata mano jóvai.

¹⁵ Jogüe oikota, kia oiko pɨpe vaerä, azufre oñemoaita jogüe pe.

¹⁶ Ɨvɨ kotɨ japo reta otinita, jare ɨvate jäka reta yɨpita.

¹⁷ Iñakañɨta chugüi ɨvɨ pegua reta, mbaetɨta jee oyeendu kaye rupi.

¹⁸ Tembipe güi oyemomboukata pɨtumimbi pe, oyemomboukata kuae ɨvɨ güi.

¹⁹ Tëta pe mbaetɨta taɨ ani jɨmɨmino yepe, ani kia opɨta jekovia pe jo pe.

²⁰ Kuaraɨ oikea kotɨgua reta jare kuaraɨ oëa kotɨgua reta oikuaa isusere yave, okɨɨye yaeta.

²¹ Körai ko iyoa vae reta iyapɨ, güɨröɨro iyeugüi Tumpa vae reta.