JEREMÍAS 45 - Biblia Guarani Tumpa Iñee

YandeYa iñererökuavee Baruc pe

¹ Joacim, Josías taɨ irundɨa año ma oiko mburuvicha guasurä Judá pe yave, Baruc, Nerías taɨ ombaekuatía vae oikuatía ñeemombeúa Jeremías jei oï chupe vae. Jeremías jei Baruc pe:

^2-3 “Nde Baruc rere: ‘¡Atataɨ! ¡CheYa jaeño omoïru cheve mbɨatɨtɨ! Chekuérai ma ayaeo jare mbaetɨ aväe kërai yepe mbɨakatu.’

⁴ Jare cheokuai jae vaerä ndeve: ‘Che amopüagüe amboai, jare añono jenda pe vae amokañɨtei. Jökoraita ko ayapo opaete ɨvɨ.

⁵ ¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”