EZEQUIEL 15 - Biblia Guarani Tumpa Iñee

Jerusalén ko metei uva ikavimbae rami

¹ YandeYa jei cheve:

² “Nde kuimbae, ¿ikavi pa uva iɨ, ïru ɨvɨra reta iɨ güi?

³ Uva iɨgüe ikaviä etei ko mbaerä. ¡Mbaerendarä ave mbaetɨ ikavi!

⁴ Oyeapɨ vaeräño ikavi. Tata pe oñeñono yave, jarembae voi opa ókai. ¿Mbaerä pa ikavita jayave?

⁵ Ndei ókai mbove mbaetɨ mbaerä ikavi. ¡Vɨtei pa añave opa ma ókai güire, mbaetɨ ikavi mbaerä!

⁶ Jáeramo che peYa jae körai: Uva iɨ oyemombo tata pe ókai vaerä rami, jökorai amombota Jerusalén pe yogüɨreko vae reta tata pe.

⁷ Che tayovaicho jae reta ndive. Otekuarai tëita tata güi, ërei ïru tata omokañɨteita. Ayovaicho ma jae reta ndive yave, pe reta chekuaata che ko jae peYa vae.

⁸ Jëtaguasu ipombae opɨtata, mbaetɨ ramo oyapo reta che jaegüe vae. Che peYa Tumpa jae.”