ESTER 10 - Biblia Guarani Tumpa Iñee

Mardoqueo regua

¹ Mburuvicha guasu Asuero oñono mborookuai mbaemboepɨ regua opaete ɨvɨ rupi jare ɨguasu jembeɨ rupi ani ɨguasu päu rupi yogüɨreko vae reta pe.

² Jare opaete mbaepuere rupi oyapogüe, oyekuatía oï tembikuatía pe, jökoraiño vi Mardoqueo ombotuicha vae regua, opaete oasagüe reta oyekuatía oï Media jare Persia pegua mburuvicha guasu reta regua oyekuatía oïa pe.

³ Echa Mardoqueo Judáɨgua oiko mburuvicha guasu Asuero jaɨkueguarä; tuicha yae jëtara Judáɨgua reta ipɨte pe, oyeaɨuka yae chupe reta, echa jae oyapo ikavi vaeño jëtaɨgua reta peguarä, oeka yembopɨakatu opaete jókuae ñemuña pegua reta peguarä.