ESDRAS 10 - Biblia Guarani Tumpa Iñee

Kuña reta ketɨgua oyemombo

¹ Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

² Jayave Secanías, Jehiel taɨ, Elam iñemuña pegua jei Esdras pe: “Oreyoa ñaneTumpa kotɨ, echa rogüɨreko ketɨgua kuña reta ïru ɨvɨ pegua, ërei jeseve ipuereño oï kavi ye Israel iñemuña reta.

³ Añave yayapo morogüɨrökuavee päve ñaneTumpa ndive, romombo vaerä opaete jókuae orerembireko reta jare imembɨ reta ndive, toyembopo kuae mborookuai, nde jare ïru oipoɨu Tumpa iporookuai güi vae reta oremboarakuaa rami.

⁴ Epüa, echa kuae jae ko ndeparavɨkɨ, jare ore reta roïta nde ndive; eñemoäta ngatu jare eparavɨkɨ.”

⁵ Jayave Esdras opüa jare jeiuka Tumpa jee re sacerdote reta, jare levita reta itenondegua pe, jare opaete Israel iñemuña reta oyapo vaerä jókuae jei vae; jare jae reta oñererökuavee Tumpa jee re oyapo vaerä.

⁶ Javoi Esdras ojo Tumpa jo jóvai güi, jare oike Johanán, Eliasib taɨ jo pe, jare joko pe opɨta, mbaetɨ okaru jare oɨu, echa ipɨatɨtɨ yae tembipɨɨ güi oyerova ye vae reta iyoa re.

⁷ Javoi omoërakuauka Judá rupi jare Jerusalén rupi opaete tembipɨɨ güi oyerova ye vae, oyemboatɨ vaerä Jerusalén pe.

⁸ Jare mboapɨ araa rupi kia nunga mbaetɨ ou yave, toñepɨ̈ro opaete imbaembae chugüi, mburuvicha reta jare tenondegua reta jei rami, jare toyemombo tembipɨɨ güi oyerova ye vae reta ipɨte güi.

⁹ Jökorai opaete kuimbae reta Judá pegua jare Benjamín pegua reta oyemboatɨ mboapɨ araa pe Jerusalén pe, veinte ara chau yasɨa re. Jare opaete oguapɨ reta Tumpa itupao joka pe, orɨrɨi reta okɨɨye güi jare omborɨrɨi reta ama okɨ vae.

¹⁰ Jare Sacerdote Esdras opüa jare jei chupe reta: —Pe reta peyoa, echa pereko kuña reta ketɨgua, jökorai jeiete pemoïru Israel iñemuña reta iyoa.

¹¹ Añave peyemombeu yandeYa peñemuñagüe reta iTumpa pe, jare peyapo jemimbota, peyembosɨrɨ ïru ɨvɨ pegua reta güi, jare jókuae ketɨgua kuña reta güi.

¹² Jare opaete vae jei reta iñeeäta reve: —Toroyapo nde rere rami,

¹³ ërei jeta yae ko roï, jare ama okɨ yae vi oï, mbaetɨ orepuere roï ikatu pe jare kuae teko mbaetɨ ko metei ara ani mókoi ara peguaño, echa jeta yae ko kuae mbaeyoa pe roï vae,

¹⁴ oreruvicha reta topɨta kuae pe orerekovia pe, jare opaete orerëta guasu pegua reta güɨreko ketɨgua kuña reta vae, toyogüeru ara oyembojee chupea pe, jare jae reta ndive toyogüeru tenondegua reta, jare mburuvicha oporojäa vae reta, rombosɨrɨ regua oreyeugüi ñaneTumpa iyarasɨ kuae re vae.

¹⁵ Jaeñoete Jonatán, Asael taɨ jare Jahazías, Ticva taɨ, güɨröɨro reta kuae yemongeta, jare levita reta Mesulam jare Sabetai omborɨ katu.

¹⁶ Jökorai jaekavi tembipɨɨ güi oyerova yegüe vae reta pe. Javoi oiparavo reta sacerdote Esdras jare metei tëtara vae itenondegua ñavo. Opaete kuae ombojee vae reta yatɨ tenondegua ara pe payandepoa yasɨ pe, oñono kavi vaerä kuae teko.

¹⁷ Jare tenondegua ara tenondegua yasɨ pe, opa oñono kavi reta jókuae teko reta, opaete jókuae kuimbae reta güɨreko kuña ketɨgua reta vae regua.

¹⁸ Sacerdote iñemuña reta güɨreko kuña ketɨgua reta vae, jae kuae reta: Jesúa, Josadac taɨ iñemuña reta jare jëtara reta güi: Maasías, Eliezer, Jarib jare Gedalías.

¹⁹ Kuae reta oñererökuavee omombo vaerä jembireko reta, jare omee reta mbota iyoa re metei vecha kuimbae jɨmba reta güi.

²⁰ Imer iñemuña reta güi: Hanani jare Zebadías.

²¹ Harim iñemuña reta güi: Maasías, Elías, Semaías, Jehiel jare Uzías.

²² Pasur iñemuña reta güi: Elioenai, Maasías, Ismael, Natanael, Jozabad jare Elasa.

²³ Levita reta güi, Jozabad, Simei, Kelaía (kuae ko jae Kelita), Petaías, Judá jare Eliezer.

²⁴ Otairari vae reta güi: Eliasib; öke iyangarekoa reta güi: Salum, Telem jare Uri.

²⁵ Jaeramiño vi ïru jëtara Israel iñemuña reta: Paros iñemuña reta güi: Ramía, Jezías, Malquías, Mijamín, Eleazar, Malquías jare Benaía.

²⁶ Elam iñemuña reta güi: Matanías, Zacarías, Jehiel, Abdi, Jeremot jare Elías.

²⁷ Zatu iñemuña reta güi: Elioenai, Eliasib, Matanías, Jeremot, Zabad jare Aziza.

²⁸ Bebai iñemuña reta güi: Johanán, Hananías, Zabai jare Atlai.

²⁹ Bani iñemuña reta güi: Mesulam, Maluc, Adaía, Jasub, Seal jare Ramot.

³⁰ Pahat-moab iñemuña reta güi: Adna, Quelal, Benaía, Maasías, Matanías, Bezaleel, Binúi jare Manasés.

³¹ Harim iñemuña reta güi: Eliezer, Isías, Malquías, Semaías, Simeón,

³² Benjamín, Maluc jare Semarías.

³³ Hasum iñemuña reta güi: Matenai, Matata, Zabad, Elifelet, Jeremai, Manasés jare Simei.

³⁴ Bani iñemuña reta güi: Madai, Amram, Uel,

³⁵ Benaía, Bedías, Quelúhi,

³⁶ Vanías, Meremot, Eliasib,

³⁷ Matanías, Matenai, Jaasai,

³⁸ Bani, Binúi, Simei,

³⁹ Selemías, Natán, Adaía,

⁴⁰ Macnadebai, Sasai, Sarai,

⁴¹ Azareel, Selemías, Semarías,

⁴² Salum, Amarías jare José.

⁴³ Nebo iñemuña reta güi: Jeiel, Matatías, Zabad, Zebina, Jadau, Joel jare Benaía.

⁴⁴ Opaete kuae reta güɨreko kuña ketɨgua reta, jare amogüe jókuae kuña reta imembɨ chupe reta. Ërei opa ye omombo reta imembɨ reve reve.