1 CRÓNICAS 9 - Biblia Guarani Tumpa Iñee

¹ Körai opaete Israel iñemuña ñavo rupi oyekuatía oï tembikuatía pe, Israel pegua mburuvicha guasu reta imbae pe. Judá pegua reta opa oyererajauka iɨvɨ güi Babilonia pe iyoa jeko pegua.

Babilonia güi oyerova ye vae reta

² Tenonde ete yogüeru ye iɨvɨ ae pe jare jëta guasu pe vae jae Israel iñemuña reta, sacerdote reta, levita reta jare tembiokuai tupao pe oyeokuai vae reta.

³ Jerusalén pe oñemoëta Judá, Benjamín, Efraín jare Manasés iñemuña reta.

⁴ Judá iñemuña reta pegua jae: Utai Amiud taɨ, Amiud jae Omri taɨ, Omri jae Imri taɨ, Imri jae Bani taɨ, Bani jae Fares taɨ, Fares jae Judá taɨ.

⁵ Jare silonita reta pegua Asaías, jae ko tu taɨrɨpɨ, taɨ reta ndive.

⁶ Zera iñemuña reta jae: Jeuel jare jëtara reta, oupitɨ opaete reve seisciento noventa.

⁷ Benjamín iñemuña reta güi: Salú, Mesulam taɨ, Mesulam jae Hodavías taɨ, Hodavías jae Asenúa taɨ,

⁸ Ibneías jae Jeroham taɨ, Ela jae Uzi taɨ, Uzi jae Micri taɨ Mesulam jae Sefatías taɨ, Sefatías jae Reuel taɨ, Reuel jae Ibnías taɨ.

⁹ Jëtara reta opaete iñemuña reve, jae ko noveciento cincuenta y seis. Opaete kuae reta jae jëtara juvicha reta.

¹⁰ Jare Sacerdote reta jae: Jedaías, Joiarib, Jaquín,

¹¹ Azarías, Hilcías taɨ, Hilcías jae Mesulam taɨ, Mesulam jae Sadoc taɨ, Sadoc jae Meraiot taɨ, Meraiot jae Ahitob taɨ. Ahitob jae ko tenondegua ete Tumpa jo pe vae.

¹² Adaía, Jeroham taɨ, Jeroham jae Pasur taɨ, Pasur jae Malquías taɨ; Masai jae Adiel taɨ, Adiel jae Jazera taɨ, Jazera jae Mesulam taɨ, Mesulam jae Mesilemit taɨ, Mesilemit jae Imer taɨ,

¹³ jare jëtara reta, oupitɨ mil seteciento sesenta opaete reve, kuae reta jae jëtara juvicha reta, kuae kuimbae reta oikatu yae oyapo mbaravɨkɨ Tumpa jo pegua.

¹⁴ Levita reta jae: Semaías, Hasub taɨ, Hasub jae ko Azricam taɨ, Azricam jae ko Hasabías taɨ, Merari iñemuña pegua;

¹⁵ Bacbacar, Heres, Galal jare Matanías, Micaía taɨ, Micaía jae Zicri taɨ, Zicri jae Asaf taɨ;

¹⁶ Obadías, Semaías taɨ, Semaías jae Galal taɨ, Galal jae Jedutún taɨ; jare Berequías jae Asa taɨ, Asa jae Elcana taɨ, Netofaɨgua reta jëta raɨ pe oiko vae.

¹⁷ Öke iyangarekoa reta jae: Salum, Acub, Talmón, Ahimán jare jëtara reta; Salum jae jëtara reta juvicha.

¹⁸ Jare, añave oimeño oyangareko reta mburuvicha guasu jöke kuaraɨ oëa kotɨgua re. Jae kuae levita reta öke iyangarekoa.

¹⁹ Salum, Coré taɨ, Coré jae ko Ebiasaf taɨ, Ebiasaf jae ko Coré taɨ jare jëtara Coré iñemuña reta, jae ko tupao guakapi pegua jöke iyangarekoa reta, iñemuñagüe reta oyangarekose yandeYa itupao guakapi pegua jöke re rami.

²⁰ Tenonde yave, Finees, Eleazar taɨ oiko tenondeguarä chupe reta; jare yandeYa oiko jae ndive.

²¹ Zacarías, Meselemías taɨ, jae tupao guakapi pegua jöke iyangarekoa.

²² Opaete reve öke iyangarekoa oyeparavogüe oupitɨ dosciento doce, ñemuña yogüɨrekoa ñavo rupi güi oñemoapɨta vae. David jare mbae re oecha voi vae Samuel ombojee reta kuae mbaravɨkɨ peguarä, echa güɨrovia katu reta.

²³ Jae reta jare taɨ reta oyopoepɨ oyangareko Tumpa jo jöke re, jae ko tupao guakapi pegua.

²⁴ Öke iyangarekoa reta oyangareko tupao re, ñogüɨnoi iyɨke yɨke kotɨ, jóvai kotɨ jare ikupe kotɨ.

²⁵ Jare jëtara reta ñogüɨnoi jëta raɨ ñavo rupi vae, yogüeru omborɨ reta vaerä iparavɨkɨ iara pe chiu ara pegua.

²⁶ Ërei irundɨ levita reta öke iyangarekoa tenondegua vae ñogüɨnoi avei öke pe, oyangareko o reta re jare yandeYa jo pe mbaembae jepɨ vae oñeñovatúa re.

²⁷ Kuae reta yogüɨreko Tumpa jo iyɨpɨ peño, echa ipo pe oï oyangareko jese vaerä jare ndeimbove ñavo oipea vaerä öke.

²⁸ Amogüe chugüi reta oyangareko tembiporu mbaemboetea pe oyeporu vae re, kuae jae güɨnoeta jare oñovatu yeta oipapa kavi reve.

²⁹ Ïru reta oyangareko ïru tembiporu reta re, jare mbae oñeñono tee Tumpa peguarä vae re, jare trigokúi, uva tɨɨgüe, asaite, ikäti kavi vae incienso jare ikäti kavi vae.

³⁰ Amogüe sacerdote güi oyapo mbae ikäti kavi yae vae;

³¹ jare metei levita Matatías jee vae, Salum taɨrɨpɨ jae ko Coré iñemuña pegua vae, ipo pe oï oyapo avei vaerä mbɨyape mbotarä.

³² Amogüe jëtara Coat iñemuña reta pegua, ipo pe oï oyapo vaerä mbɨyape mbaemboete pegua, jare omoñesɨro kavi avei vaerä ara mbutuu ñavo.

³³ Oime vi otairari vae reta, levita reta jëtara itenondegua reta, kuae reta yogüɨreko tupao icuarto pe, mbaetɨ ye ïru mbae oyapo echa ara pe jare pɨ̈tu yave oyapo reta iparavɨkɨ.

³⁴ Kuae jae levita reta jëtara itenondegua, ñemuña oñesɨro rupi kavi Jerusalén pe yogüɨreko vae.

Saúl jëtara

³⁵ Tëta guasu Gabaón pe oiko Jehiel Gabaón tu. Jembireko jee Maaca.

³⁶ Taɨrɨpɨ jae Abdón, jaɨkuegua Zur, Cis, Baal, Ner, Nadab,

³⁷ Gedor, Ahío, Zacarías jare Miclot,

³⁸ jae ko Simeam tu, kuae reta vi oguata tɨkeɨ reta jeko rupi, yogüɨreko jae reta ndive Jerusalén pe.

³⁹ Ner jae ko Cis tu, Cis jae Saúl tu, jare Saúl jae Jonatán, Malquisúa, Abinadab jare Es-baal tu.

⁴⁰ Jonatán taɨ jae Merib-baal, jae ko Micaía tu.

⁴¹ Micaías taɨ reta jae Pitón, Melec, Tarea jare Acaz.

⁴² Acaz jae Jara tu, jare Jara jae Alemet, Azmavet jare Zimri tu; Zimri jae Mosa tu,

⁴³ jare Mosa jae Bina tu, Bina jae ko Refaías tu, Refaías jae ko Elasa tu, Elasa jae ko Azel tu.

⁴⁴ Azel taɨ reta ova, jae ko jee reta: Azricam, Bocru, Ismael, Searías, Obadías jare Hanán. Jae ko kuae Azel taɨ reta.