Bìoball air-loidhne

Zăkomo 4 - Geba Roman New Testament

Dèmèthò Anekî Lākho

¹ D́ŏ thĭ kho thĭ klè̆ nu dèmèhtîmèbo, dèd́òdèsa lŏcăcè tòcò òhtakô d́òlè̄? Aòhtakô d́ŏ thĭ dèthaèni lākho adèmòdèma htè ahtowè̄htosò̆ thĭ thèjô̆ acè̆ lò.

² Thĭ thaèni nòthò̆ hnò̆nu thĭ di nib́è ńò acè̆ d́ō thĭ thaè mèthĭmèhlè̆mè̄gè dè lò. Thĭ dèthaèni akhoacè̆ thĭ go thĭ trahlè lōwa kî mèhtîmèbo hlè lōwa lò. Manè̄ d́ō, thĭ da dagè ńò acè̆ thĭ di nib́èkò̆ ńò lò.

³ Mègōnu d́ō, b́ĕ thĭ dadè nu thĭ di nib́è ńò, ḿî d́ŏ thĭ dèsascĭ ḿî akî̆kkè akhoacè̆ kî d́ŏ dèmòdèma thĭ nikhĭ lò akhoacè̆ nu.

⁴ Ŏ bija adîdî̄dahma ńò tòcò! Thĭ dî thîhè̆ htè thĭ gî̄ ḿî ma Lākho akhò̆athò d́ō, thĭ gî̄ ḿî tèpwè Kib́ĭcè athè̆d́ĕd́ò nu ńò ā? Thĭ ka thaè phî̆hta ma Lākho akhò̆athò d́ō, thĭgè kèhta tèpwè Kib́ĭcè athè̆d́ĕd́ò lò.

⁵ Gomobò̄ ḿè htè Cè Tcahtĭ abu ahwela tòcò nu ḿî ahnahnă ḿè, htè ad́ò, “Tha htè Kib́ĭcè b́è̆nī d́ŏ wu bu nu ò pĕhtakî dèthaèni htè akhob́ăădo nu.”

⁶ Barasă d́ō, dèhôwî htè Kib́ĭcè ila wa nu akhob́ăădo khlŏlĭ kî anu, acab́ô̆ Cè Tcahtĭ d́ò, “Kib́ĭcè htad́ĕd́ò bija htè abè̄htajî ane, ḿî ila dèhludètă d́ŏ abè̄b́ôla ane tòcò nu.”

⁷ Mègōnu d́ō, salabò̄ thĭ ne d́ŏ Kib́ĭcè ahlò̆mò̄ nu. Htad́ĕd́òbò̄ Mod́èlî, kî zè gè̄ cwèphlòmĭ thĭwī tèpwè thĭ.

⁸ Leb́ôhtîbò̄ Kib́ĭcè, kî Ze gē leb́ôhtî tèpwè thĭ. Ŭsab́ăbò̄ thĭ cukhò, ŏ dèkhòwèpho tòcò! Ŏ bija amèmômā ane tòcò, mèwîmètcăgebò̄ thĭ ne.

⁹ Òbò̄ dèothootha, dèjodèha kî dègādŭhtĭ thè̆nîkhî̆i. B́ăkhlègebò̄ thĭ dèjè̄kara d́ŏ dèjodèha, dèthalōthala d́ŏ dèothootha nu.

¹⁰ Salabò̄ thĭ ne d́ŏ B́ĭcè ahlò̆mò̄ nu, kî Zè gè̄ bèhtahtô̆kò̆ thĭ.

Dèithidĭ Ab́èkja Dècirra Bija

¹¹ Thè̆buthè̆we tòcò, d́òkè̆d́òô hlèbò̄ ḿè lōwa ḿè. Bija dèbwèbwè kò d́òkè̆d́òô kî cirra ma athè̆buwe d́ō, ḿî ad́òkè̆d́òô Dèthôdèthò̆ kî acirragè Dèthôdèthò̆ lò. Thĭ gī cirra Dèthôdèthò̆ d́ō, thĭ di ḿî alôkô Dèthôdèthò̆ ńò, thĭ ḿî acirra cè lò.

¹² Aila Dèthôdèthò̆ kî dècirra ḿî Kib́ĭcè dèbwè lò. Zî ḿî aò dèbwè lò htè amèhlô̆htage za dè kî amèkè̆mèô za dè nu. Thĭ gomolage d́ò̆ thĭ ne, thĭ ḿî bò̄bwè htè agī cirra bija nè?

Dèigomohtani Ab́èkja Dèjî̄b́èhtajî

¹³ Khŏnujo sòkhĕńebò̄ jè, thĭ htè ad́ò, “Khŏdini, ḿî̆diḿî ńò mòbĕ dini we gē le d́ŏ u tu u, kî wò kò ò b́ĕnu te de kî wè gè̄ mè dèbwîdèsè̆ cab́ô̆htè wi gī nib́èbò̄ pĭd́ŏpĭsa òèòò nu.”

¹⁴ Thĭ dèò mòbĕ dini ḿî agè̄ mè cadè̄ nu thĭ dî thîhè̆ mè ńò! Thĭ ḿî acab́ô̆ hmîkhuhta kî tod́opho ahlè̆mè̄gè nu.

¹⁵ Thĭ mò d́ò tèpwè gōjo dòkhò̆, “Akè b́è ma Kib́ĭcè atha d́ō, wò kò ò thôḿô̆we ma d́ō, wè gè̄ mè dè ajo kî anu tòcò nu,”

¹⁶ Ḿî khŏnujo, thĭ bè̄htajîgè thĭ ne kî jî jî̄b́è htajîthwi d́ògè; kî Dèjî̄b́èhtajî ḿî akèḿè lò.

¹⁷ Mègōnu d́ō, bija htè athîhè̆ mèdè awîaè nòthò̆ hnò̆nu adèmè ńò dèbwè nu adèkhòwè ò lò.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan