Bìoball air-loidhne

Zăkomo 1 - Geba Roman New Testament

¹ Zăkomo, Kib́ĭcè kî B́ĭcè Jezŭ Krĭstu azôpho, d́ŏ scigīkhwĭ aòphrulaphrî̆hta lākho thèd́è̆b́è tòcò adèhnŭsè.

Dèb́udènè kî Dèzadèbla

² Thè̆buthè̆we tòcò; b́ĕ thĭ pahtî dèbadèsè̆ amŏamo nu, gomobò̄ cè lŏ ḿî dèthaganāi,

³ manè̄ thĭ thîhè̆ htè dèdî̄tca thĭ dèb́u mèni thĭ dèhmedèglo nu.

⁴ Kîd́ò̆ thĭ dèdūb́èkhab́è ajo tòcò gō khlŏhtamame d́ò̆è d́ŏ thĭ klèthòò̆ lŏcăcè abu kî da lahô̆laphle d́ò̆è ńò.

⁵ Barasă d́ŏ thĭ klè̆ nu adèzadèbla kò tò ò ma ńò dèbwèbwè d́ō, hnabò̄ za da Kib́ĭcè htè aila bija gŏ abwè d́ŏ dèthohlò̆thahlò̆ abu kî dèthowîthamò abu dèbwè ki ilani tèpwè lōwa.

⁶ Barasă hnabò̄ cè thèb́è̆dahta dè d́ŏ dèb́udènè abu, manè̄ d́ō bija ahtèniwĭniwa dèbwè nu, zî ḿî acab́ô̆ pèllèhtĭ papîpapò̆ b́ĕ gīlli dobōb́è cè akhè̆ nu.

^7-8 Manè̄ kòd́òdo dō, bija htè ahtè nòjònaga kî ahtèdusudòsò̆ dèbwè nu gī di nib́èkò̆ d́ŏ B́ĭcè ò dimĭ ńò.

Dèssègnè̆ kî Dèjèdā

⁹ Krĭstupho htè assègnè̆ tòcò nu, Dèado bè̄htajî cè, zò mò thaganāi lò,

¹⁰ kî ajèdā tòcò nu nib́è dèdòbijīla, zò mò thaganāi lò, manè̄ d́ō, zî ḿî acab́ô̆ mihnè aphò̆ htè alathurŭgè tòcò akhò̆ nu.

¹¹ Manè̄ d́ō, lumuhta kî acuse gè̄ mèlahnakò̆ mihnè kî aphò̆ gā lathurŭ, kî adèwîdèmò gè̄ kè̆ gè̄ hlè̆mè̄ lŏ tèpwè lò. Cab́ô̆ gōnu akhò̆ ajèdā tòcò kè̄ b́è mèkè̆mèhlè̆mè̄kò̆ b́ĕ za wāhlè phătha ŭcalèkhjă tòcò akhè̆ nu.

Dèdî̄tca kî Dèhnakă

¹² Ab́èhôwî ḿî bija htè akhòthad́ò̆wî̄thazô i dèdî̄tca, manè̄ b́ĕ zò sò̆hto hme d́ŏ dèdî̄tca aklè̆ nu, zi gī nib́èkò̆ dèthôḿô̆ akhocò̆ htè Kib́ĭcè aḿăkhaigè bija ab́èlò̄ Cè tòcò nu.

¹³ B́eḿĕ wè kè̄ b́è ma dèhnakă ajo domo d́ō, wò kò̄ tò d́ò d́ò̆è, “Jè b́è dèhnakă d́ŏ Kib́ĭcè ò nu ńò.” Manè̄ d́ō Kib́ĭcè tè b́è za dèhnakă akî̆kkè ńò kî Cè thè̆ne za da hnakă bija dèbwè̆ ńò ńò;

¹⁴ ḿî bija nu, cè b́è hnakă d́ŏ zè dèthaèni adècwid́ahto abu nu lò.

¹⁵ Mègōnu d́ō wè dèthaèni akî̆kkè muthèd́ŏhtai kî phozelai dèkhòwè kî dèkhòwè dohtab́ahta kî phozelai kòd́ò̆ dèthĭ lò.

¹⁶ Mègōnu dō, b́èplènihlŭnibò̄ ḿè, jè b́èlò̄ thè̆buwe tòcò!

¹⁷ Dè aèaò̆ gŏmomo kî apĕhta gŏmimi ḿî ala d́ŏ Kib́ĭcè Ab́òladè Mò̄kho adèhlî̆, Cè htè dèb́ăkhlè tò ò za ńò kî adè mèkhi za dè ńò dèbwè nu.

¹⁸ D́ŏ Zè dèthaèni abu, Cò b́òlagè wa kî dèdî̄dèhma alēahwè, cab́ô̆htè wî gî̄ nib́èbò̄ dè alleaklè aŭsugudŭ d́ŏ dèòb́òla lŏcăcè aklè̆ nu.

Dèsòkhĕńe kî Dèmè

¹⁹ Gomohtanibò̄ dè ajo, jè b́èlò̄ thè̆buthè̆we tòcò. Bija gŏ abwè gō sòkhĕńe plăhlèkwè d́ò̆è, ḿî jî̄b́è thadò̆ d́ò̆è, thèhtè ba d́ò̆è.

²⁰ Manè̄ d́ō bija adèthèhtè dè mèni za lōwa Kib́ĭcè adèdî̄dèhma ńò acè̆ nu.

²¹ Mègōnu d́ō, hwĕphlòḿĭ lŏ dèzizòmòthŏ kî dèkî̆kkèmèhlò̆ kî phînibò̄ dèthob́îthajū ab́è solakô dèjî̄b́è htè agè̄ mèhlô̆hta zakò̆ thĭ tha nu.

²² Hlòplèbò̄ ḿè thĭ ne d́ŏ thĭ dèsòkhĕńe abu lò ḿè, ḿî mèkôbò̄ akă dòkhò̆.

²³ Manè̄ d́ō thĭ gî̄ ḿî ma bija asòkhĕńe dèlē, ḿî agè̄ dè mèkôakă ńò d́ō, thĭ gā la tèpwè bija atca amūkă d́ŏ mētca alò kî atcahtî lage anebî̆cè cab́ô̆ anènò dèbwè nu.

²⁴ Ca tcahtî hwă ze neb́î̆cè zè hèphlòḿĭ danāgè kî zò sòthô̆bô̄hnègè za lagè danè̄ nu.

²⁵ Barasă thĭ gā tca b́ib́idīdī d́ŏ dèhmèla pĕhtazòhta, dèòhlô̆òla adèhmèla kî òi hmehmecece, sòkhĕńe hwă dò sòthô̆bô̄hnè ńò ḿî lôkômèkô ma cè d́ō, thĭ gî̄ nib́èkò̆ Kib́ĭcè adèhôwî d́ŏ thî dèmè tòcò abu nu.

²⁶ Bija dèbwèbwè gō gomo zî ḿî bija aòi dèthub́uthèb́è̆ ḿî zo gō do no dè b́èi ma zî blî ńò ḿî zè dèthub́uthèb́è̆ ḿî ahnahnă lò kî zè plèlage dò̆ ze ne lò.

²⁷ D́ŏ Kib́ĭcè ahlò̆mò̄ dèthub́uthèb́è̆ aplî̆atcă kî atò b́ò dèkèḿè ńò ḿî ajo; dètcaiôi aphosèklèlè̄ tòcò ahmugèmè tòcò d́ŏ zè dèssègnè̆bòdò abu kî dèòdòbò kî Lākho adècòb́ĭcòb́ò tòcò nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan