Bìoball air-loidhne

Tĭto 1 - Geba Roman New Testament

¹ Kib́ĭcè akhî̆abwè kî Jezŭ Krĭstu abwe Thodŏpho, jè, Păulu, hweni nè cè. Cab́ô̆htè jè gè̄ mèzo Kib́ĭcè abija ab́èrôhta tòcò adèb́udènè, kî leihŭ cè tòcò d́ŏ dèdî̄dèhma acab́ô̆ wè dèthub́uthèb́è̆ adèhtulahmèla ò adĕ nu, jè b́èrôhta kî thodŏlegè lò.

² Dèthub́uthèb́è̆ ajo nu akhahtîkhab́ò̆ ḿî dèsascĭmulè̄ ab́èkja dèthôḿô̆ lahtŭlablo nu. Hlĕ Lākho dukhlŭ òhta hnî̆ńò nu Kib́ĭcè htè adè plè du hlŭ ńò dèbwè ŏlăphlalahnè htŏ aki ikè dèthôḿô̆ alahtŭlablo nu htŏ.

³ Kî htô̆ḿî akhîagla b́ègè nu. Cè d́è̆lî̄hta Ze lē Zè hwè d́ŏ dèd́ò̆htôla nu. Kib́ĭcè Amèhlô̆htagedè b́uninèni jè kî ila alē d́ŏ jè gè̄ mèdè ajo nu.

⁴ Je hweni Tĭto, jo phokhŏ hnèhnè htè adèb́udènè lajīplo kî wa dèbwè nu aò: Pa B́ĭcè kî Amèhlô̆htage kî Jezŭ Krĭstu ki ila d́ò̆è nè ahluată kî dèjīdèd́wă.

Tĭto Adèmè d́ŏ Krĕta Khò̆htĭkho

⁵ Jè b́è̆lăda nè b́ĕ Krĭta khò̆htĭkho cab́ô̆htè nè gè̄ mèhwă, mèb́ège dè alobawe, kî rôhtani dèòplo akhoane d́ŏ u lŏcăcè tòcò anikhĭ nu.

⁶ Dèòplo akhoane dèbwè nu, kè̄ b́è ḿî bija htè adèkèḿè tò ò ńò, zè hmè̆ b́è ò dèbwè lò, zo pho zi li tòcò kèb́è ḿî bija ab́ugenège dè, amiakhè̆ tè b́è ò ńò, kî tè b́è ḿî bija adò sòkhĕńelēthèhô̆ dè ńò ńò.

⁷ Dèòplo akhoane ḿî bija amè Kib́ĭcè adèmè akhoacè̆, kè̄ b́è ḿî bija òhlô̆òlakî dèkèḿè. Tè b́è bè̄dobè̄mu ane ńò, tè b́è thodothakhò̆ ńò, tè b́è ò̆hmuapò ńò, tè b́è cuhlò̆wè̄khahlò̆wè̄ bija alò ńò. Tèb́è wā hô̆ wā htè̆ d́ŏ klè dîdî̄dahma ńò abu ńò,

⁸ kè̄ b́è ḿî bija ab́èlò̄ tî̆dotî̆tèḿè̆, òi dèwîdèè, ò thăbrŭthăbrā, òdî̄òhma, òwîòtcă, kŏikhòi ane lò.

⁹ Cè b́è pôhmegloi dèb́udènè adî̄ahma, anu khaĺè ci ki ikhoiă zakò̆ bija d́ŏ B́ĭcè adèdî̄dèhma nu. Ahtad́ĕd́ò dèdî̄dèhma tòcò aè̆ tè b́è ńò cadè̄ nu cè kè d́è̆lî̄ge zakò̆ lōwa wa.

¹⁰ Manè̄ kòd́òdo dō, bija òè̆bwè htad́ĕd́ò dèdî̄dèhma, jî̄b́è thòphrò, kî hlòplèni bija alewe tòcò nu. Lasăd́è̆è bija Jŭdapho htè ab́ugenège dè tòcò aklè̆ nu.

¹¹ Alobagè gā hna sò̆tab́a zè dèjî̄b́è tòcò nu. Manè̄ d́ō, za da tad́ò ńò tòcò, cò d́ògè akhoacè̆, amèlakhulatoklŏgè hiphophăpho thèd́è̆gumu lò. Lŏlōcăcè ḿî tèpwè dè amò thăwāthablè̄ d́ŏ dènib́è hô̆htè̆ anikhĭ nu.

¹² Bija Kretepho htè aḿî cè è̆ Prò̆fèt dèbwè d́ògè, “Kretepho dalā ḿîgè htĕ bija ahlòplè dè, dèphodèwe akhŭahè̆, bija akoaklô, kî adoa tòcò lò.”

¹³ Cò d́òdè ab́è lò. Gōnu akhoacè̆ nè b́è mèd́îd́ă thĕbwethîlî̆ cè tòcò, cab́ô̆htè zè dèb́u gî̄ ḿî adî̄ahma nu,

¹⁴ kî zè gè̄ lè̄dakè̆kò̆ bija Jŭdapho adèlèblo hlemo kî bija akhwè̆b́age alekă tòcò adèjî̄b́è anikhĭ nu.

¹⁵ Dèlŏcăcè wîtcă d́ŏ bija athowîthatcă tòcò anikhĭ lò, ḿî ḿî atho dî wî tha da tcă ńò tòcò anikhĭ dèlŏcăcè awîatcă tò ò zi nikhĭ ńò. Manè̄ zè dègogamā kî ca tha adèthîhè̆ cîpôcîthŏ akhoacè̆ nu.

¹⁶ Cò d́ò d́ŏ Zî thîhè̆ Kib́ĭcè, barasă zè dèmè de lethô̆lô̄ tèpwè ńò. Cè tòcò ḿî bija amò thasè̆, ate d́ĕb́ad́ab́a dè ńò, adèmè awîaè tò ò dimĭ ńò tòcò nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan