Bìoball air-loidhne

Rŏma 13 - Geba Roman New Testament

Dèsòkhĕńelēthèhô̆ Htĭge Akhoane tòcò

¹ Thĭ gŏ abwè gò̄ sòkhĕńelēthèhô̆ b́è aŭitcaidè akhoane. Manè̄ d́ō, gî̄ dî ḿî ma Kib́ĭcè ila cè tòcò akhwè ńò d́ō, cè tòcò tò òhta za ńò kî bija aŭidè khŏnujo tòcò ḿî Kib́ĭcè lè̄hta cè lò.

² Kî gajă bija ahtad́ĕd́ò aŭitcaidè nu za htad́ĕd́ò Kib́ĭcè adèbè̄la kî bija htè amè dèkèḿè ajo ḿî ta nib́è dècirra anikhĭ lò.

³ Dèphîdèmè awîab́è di scisăni dècirra ale ńò. Amòscisă ḿî adèkèḿè ò tòcò nu lò. Thĭ gā da thaè scisăni akhoane ale ńò d́ō òdî̄òhmabò̄ kî akhoane tòcò gè̄ lè̄dolè̄mu thĭ dòkhò̆.

⁴ Htĭge ḿî agā khazô Kib́ĭcè thĭ nikhĭ. Thĭgè khè̆b́a Dèhmèla d́ō, thĭ mò scisă ale ò tèpwè. Dèòi d́asĕ ḿî ahtabohtab́ă ò tèpwèpwè. Akhoane tòcò ḿî agā khazôb́è Kib́ĭcè, agū suma b́è bija amèkî̆kkèmèhlò̆ dè tòcò nu.

⁵ Mègōnu d́ō, thĭ gò̄ sòkhĕńelēthèhô̆ b́è dè, tè b́è htĕ thĭ scisă akè b́è Kib́ĭcè adècirra lò ńò, ḿî d́ŏ thĭ thaobu akhoacè̆.

⁶ Mègōnu d́ō, thĭ kî ilab́è dèhmŭ, manè̄ d́ō, htĭge akhoane tòcò nu ḿî Kib́ĭcè azôabwè. Cè tòcò khazô Kib́ĭcè d́ŏ dèda dèhmŭ abu nu.

⁷ Mègōnu d́ō, ibò̄ cè dè htè thĭ kè̄ b́èi tòcò nu. Gajă ḿî dèthwè̆ htè thĭ b́èi ò domomo nu ilabò̄. Kîd́ò̆ d́è̆lî̄bò̄ dèd́ŏdèja kî dè bè̄dòbè̄the lŏ cè tòcò ò nu.

Dèb́èlò̄hlè Lōwa

⁸ Òi ḿè cwĕmi ḿè, ḿî dèb́èlò̄ acwĕ lò. Thĭ kè b́èlò̄ b́eḿĕ thĭ khò̆ thĭ khè d́ō, thĭ gè̄ mè pĕhtab́è thĭ dèphîdèmè lŏ nu.

⁹ Dèhmèla tòcò nu ḿî; “Mèlakèḿè ḿè dè ḿè, mèthĭ ḿè bija ḿè, a hu ḿè dè ḿè, thaèni ḿè bija dèhtò̆dèla ḿè.” Dè lŏ aglobu ḿî dôhmô̆ lò. “Nè b́èlò̄b́è ńò khò̆ nè khè acab́ô̆ ne ne nu.”

¹⁰ Mègōnu akhoacè̆, dèb́èlò̄ ḿî amèpĕhta Dèhmèla lŏcăcè tòcò nu.

¹¹ D́okhlŏ ḿî thĭ thîhè̆ tèpwè akhîb́è htŏ nu, thĭ gô̄ phôthèńèhtab́ègè; wè dèhlô̆htage b́ôhtî d́olĭ kî hlĕ wa b́ăkhlèhta wè dèò nu.

¹² Dèkhi thaḿò̆ kŭdu htŏ, tò òjî̄òkja ńò, dè gî̄ hlî̆gè, wè lè̄dakè̆ lŏbò̄ dèphîdèmè wè mènigè dèkhiklè̆ tòcò nu. Wo grōhtab́ŭhta d́ò̆è dèrî̄dècŭ kî hèhta d́ò̆è d́ŏ dèhlî̆ aklè̆ nu.

¹³ Wò ò thăbrā d́ò̆è cab́ô̆ bija mè lumusèkhè̆ nu. Dèò̆hmuapò, dèzòlò̄ôè̆, dèhtadohtara kî dèthakla kò tò òb́è ńò.

¹⁴ B́ĭcè Jezŭ Krĭstu gî̄ ḿî d́ò̆è thĭ cud́ĕhtaĺa; sòthô̆bô̄hnèbò̄ dèthaèni agè̄ mèthĭ thĭ neb́î̆cè tòcò nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan