Bìoball air-loidhne

Kòlò̆ssia 4 - Geba Roman New Testament

¹ Ab́icè tòcò, gomohtanibò̄ thĭ ḿî Kib́ĭcè aò Mò̄kho azôabwè, kî mèibò̄ thĭ zô thĭ bwè tòcò d́ŏ dèdî̄dèhma abu nu.

Dèhtulahmèla

² Thèb́è̆htabò̄ thèjô̆ lò, òphôthènèbò̄ b́ĕ nè Thèb́è̆hta nu kî thîhèhtagebò̄ Kib́ĭcè ahluată.

³ Cab́ô̆ gōnu akhò̆ thèb́è̆htabò̄ wi nikhĭ, cab́ô̆htè Kib́ĭcè ki ilanibò̄ wa dèkhwèdèja akò d́ò̆htôla Krĭstu adèhudèb́i awîakè̆ nu. D́ŏ dèjo akhoacè̆ khŏnujo jò òb́ègè dèkî̆dî̄ abu.

⁴ Mègōnu d́ō, thèb́è̆htabò̄ ji nikhĭ cab́ô̆htè jò kò d́ò̆htôla hlî̆hlî̆plăplă acab́ô̆ jò mò d́ò nu.

⁵ Òibò̄ dèzadèbla b́ĕ thĭ nib́è akhwè agè̄ mèdè aè ploplo kî bija atu b́u dè nè dè ńò tòcò akhè̆ nu.

⁶ D́òi thèjô̆bò̄ dèjî̄b́è amònigu kî acwid́ahtoni bija nu. Thĭ mò thîhè̆ akò d́òscĭge bija dè ab́è cadè̄ cadè̄ nu.

Dèhnŭsè Alekăgudŭ

⁷ B́èlò̄ wò thò Tikĭkus, htè aḿî bija amèdè dî̄dî̄hmama kî mè Kib́ĭcè adèmè, ploplo kî wa dèbwè kò d́ò̆sakò̆ thĭ jî wî jè kè̆ lŏcăcè.

⁸ Jo thodŏlegè cè d́ŏ thĭ ò cab́ô̆htè cò kò d́ò̆sa thĭ wa lŏcăcè awîakè̆ kî thĭ gā thaganāibò̄ anikhĭ nu.

⁹ Jè thè̆le Ònecĭmo htè aḿî jò khò̆ jè b́èlò̄, kî adî̄ahma kî aḿîkô thĭ khò̆ dèbwè nu. Cè tòcò kò d́ò̆sa tèpwè thĭ dè gè̄ mè ane kî wa cadè̄ cadè̄ nu.

¹⁰ Arĭstakus, htè aladēplo jè dèkî̆dî̄ abu, sŏwîsŏmò b́è thĭ, kî Barnăbas athè̆kob́ŏ Mărko ḿî ḿî gōnu lò. (Thĭ nib́è hwă htŏ dèhtulahmèla, htè b́ĕ Mărko ledohtî thĭ nu, thĭ gè̄ lèkha b́è cè cadè̄ nu.)

¹¹ Jò̆shua htè bija jo ami Jŭstus, thè̆lekô adèsŏwîsŏmò thĭ lò. Bija ajo thŏbwè ḿî Jŭdapho ab́udè, htè amèplo jè Kib́ĭcè adèmè, kî ai jè dèmèzo thĕbwethîlî̆ tòcò nu.

¹² Epaphras, htè aḿî thĭ khò̆ thĭ khè aklè̆ kî Krĭstu Jezŭ akhî̆abwè dèbwè, thè̆lekô adèsŏwîsŏmò thĭ lò. Cè Thèb́è̆hta thĭ nikhĭ, d́ŏ dèthosôthasô abu thèjô̆, cab́ô̆htè thĭ gî̄ ḿîbò̄ Krĭstupho tòcò d́ŏ aòhmeòglo dèb́u abu, kî lôkô pĕhtazòhta Kib́ĭcè adèthaèni, d́ŏ dèsòkhĕńelēthèhô̆ abu nu.

¹³ Ja kha thè̆thî tèpwè je ne d́ŏ zî ḿî bija ahtukhohtuă thĕbwethîlî̆ thĭ nikhĭ, kî aò d́ŏ u Laodĭsea, kî u Hierapŏlis tòcò anikhĭ khĭ.

¹⁴ Lŭka, htè aḿî wò thò dihwi sara kî Dĕmas thèlekô adèsŏwîsŏmò thĭ lò.

¹⁵ D́ò̆sabò̄ thè̆buwe htè aò d́ŏ u Laodĭsea tòcò, Nĭmpha kî dèòplo aladēplo thèb́è̆hta d́ŏ zi hibu tòcò, wè thè̆le dèsŏwîsŏmò d́ŏ cò ò nu.

¹⁶ Thĭ gā pha hwă cè ajo d́ō, thè̆lebò̄ d́ŏ u Laodĭsea adèòplo ò, kî hna pha hmăhmabò̄ cè tòcò. Taplakhă lò nu, Laodĭsea Adeòplo gè̄ thè̆ ni thĭ cèborŏ d́ō, pha hmăhmabò̄.

¹⁷ Kî d́ò̆sabò̄ Arkhipŭs agè̄ mè htŏ mèhwă B́ĭcè adèphîdèmè ab́èila Zu cukhò bu tòcò nu.

¹⁸ Jè, Păulu, hwegè Cè ajo, d́ŏ acukhò thè̆ne lò. Sòthô̆bô̄hnèbò̄ ḿè jè b́è dècŏwè̄glo nu ḿè. Kib́ĭcè adèhôwîhômò kè̄ b́è d́ò̆è thĭ.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan