Bìoball air-loidhne

Hebrè̆u 4 - Geba Roman New Testament

¹ Mègōnu d́ō, Kib́ĭcè adèaḿăkhai ab́èkja dè gō dole nī dèsò̆dūsòd́è̆ alle nu òwe tèpwè wi nikhĭ, kî ibò̄ ḿè thĭ klè̆ akò̄ òladē da d́ŏ dèdole dèsòd́è̆ alle nu ḿè.

² Wi nib́ègè Vanzĕlō acab́ô̆ cè tòcò nu. Ḿî dèthîhè̆b́è Vanzĕlō dè mèni cè tòcò dè aè ńò. Manè̄ d́ō zi di nib́ègè dèb́u ńò acè̆ lò.

³ Ḿî wa anib́è dèb́u tòcò nu, wo gō dole tèpwè Kib́ĭcè è̆ dèsò̆dūsòd́è̆ alle, manè̄ d́ŏ Cè Tcahtĭ d́ò; “D́ŏ dèthèhtè abu jô hôd́ăgè; htè bija tòcò gē de lenīb́èkò̆ d́ŏ ja pradòlò dèsò̆dūsòd́è̆ alle nu dèbwè̆ ńò,” nu. Kib́ĭcè adèphîdèmè hwă htŏ hlĕ Cò b́òla hwă Lākho athè̆lè̄kho nòthò̆ hnò̆nu, Cò d́ògè dè ajo lò.

⁴ Manè̄ kò̄ d́òdo dō, Dèhwela Tcahtĭ htè ab́èkja Muthăthôdini dèdè̆ nu, “Zè dèmè hwălōgè d́ō, Kib́ĭcè òsòd́è̆gè b́ĕ thăthôdini nu.”

⁵ D́ŏ wè Cè Tcahtĭ bu ad́ò, “Ze de lenīb́è pĭpi dèsò̆dūsòd́è̆ alle abu, htè ja pradòlò tòcò nu ńò.”

⁶ Bija htè athîhè̆ ŭsu Vanzĕlō tòcò nu de lenīb́è dèsò̆dūsòd́è̆ alle ńò, manè̄, cu tu b́u ńò akhoacè̆ lò. Ḿî bija alewe tòcò cò nib́è tèpwè akhwè d́ŏ agē lenīb́è d́ŏ dèsò̆dūsòd́è̆ alle nu.

⁷ Kib́ĭcè ja la d́ò̆ muni athè̆ dini htè zo jo ami, “Khŏdini” d́ŏ Dăvid alòmò bu gōjo; “Khŏdini thĭ gî̄ thîhè̆b́è Ze lē d́ō, mèsabò̄ ḿè thĭ tha ḿè,” nu.

⁸ Zò̆zwè̄ gē lei ma cè tòcò d́ŏ dèsò̆dūsòd́è̆ alle nu d́ō, tè b́è Kib́ĭcè kò d́òi tèpwè ni alewe dini awîakè̆ ńò.

⁹ Mègōnu d́èsò̆dūsòd́è̆ alle htè Kib́ĭcè ja la b́ĕ anithăthô dini anikhĭ nu kò òb́è ladŭ dokhlo be htè ad́ò,

¹⁰ Dèdole b́ĕ d́èsò̆dūsòd́è̆ alle b́ĕ thĭ dèphîdèmè hwă htŏ nu, kò sòd́è̆kò̆ adèphîdèmè, acab́ô̆ Kib́ĭcè òsòd́è̆ nu.

¹¹ Mègōnu d́ō, wo mò htukhohtuă cab́ô̆htè wo gō do d́ŏ d́èsò̆dūsòd́è̆ alle nu, dî ḿî ńò d́ō, thĭ gū su gā pa lō tèpwè acab́ô̆ dèb́udènè tò ò ńò tòcò nu.

¹² Kib́ĭcè Alēahwè ḿî aòthôḿô̆ kî agemeelô, adūahtă acab́ô̆ d́a athô̆ ò gīkhò̆ nu, ḿî ahtă d́olĭ d́a dòkhò̆. Asephlò̆nī kèhta d́ŏ athathĭbu nu, b́ĕ thotha kî Spirito Tcahtĭ aplè, dèkhwi kî athaĭ aplè nu; acirra za dèthaèni kî dègomo tòcò nu.

¹³ Dèòb́òla to òhuza ane d́ŏ Zò hlò̆mò̄ dimĭ ńò, dèlŏcăcè ò atab́ă d́ŏ wò kò d́ò̆sage b́è dè dèbwè agādŭ bu nu.

Jezŭ Phŭgido Ahtajîgudŭ

¹⁴ Acab́ô̆ wò òigè Phŭgima ahtakhlŏ d́ŏ Mò̄kho ahtajîgudŭ Jezŭ Krĭstu, htè Kib́ĭcè Apho nu, wè dè lè̄dakè̆ za dèb́u htè wi nib́è htŏ ajo nu ńò.

¹⁵ Manè̄ d́ō, wu Phŭgima tè b́è adò khòthad́ò̆i kèhta wè dèthò̆jò̄bò̄la tòcò nu dèbwè ńò. Zî ḿî ab́è dèhlòdèplè d́ŏ klè gŏ ab́ò̆ acab́ô̆ wè b́ègè akhò̆ nu, nòthò̆ hnò̆nu, Zè dè mè dèkhòwè ńò.

¹⁶ Mègōnu acè̆, d́ŏ dèkhŭdèmò abu, we gē lenī d́ò̆è d́ŏ Kib́ĭcè ana ahlò̆mò̄, b́ĕ ahluată ò alle nu. B́ĕnu wi gī nib́è Zè dèkhòwèhmòb́è kî ahluată b́ĕ wo loba dèmèzo akhî nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan