Bìoball air-loidhne

Hebrè̆u 3 - Geba Roman New Testament

Krĭstu Htajî d́olĭ Mŏzè

¹ Jè thè̆buthè̆we Krĭstupho, anib́è Kib́ĭcè adèjo tòcò, gomohtanibò̄ Jezŭ, htè Kib́ĭcè thè̆legè agî̄ ḿî ab́udè tòcò anikhĭ Phŭgima nu.

² Zò sò̆hto hmetekle d́ŏ Kib́ĭcè htè arôhta Cè dèbwè anikhĭ, acab́ô̆ Mŏzè nu, Cò òhmeòglogè d́ŏ lōwa ahibu nu, ḿî Zò mò tani dèphlŭdèthere d́olĭ kî Mŏzè è̆ nu dòkhò̆.

³ Dèd́ŏdèj́a wi i aprahi dèbwè ḿî acòklî kî dèd́ŏdèj́a wè d́è̆lî̄ hi ca prahta dawa nu. Cab́ô̆ gōnu akhò̆, Jezŭ mò nib́è dèdòdèthe d́olĭ kî Mŏzè nib́è lò.

⁴ Hi gŏ awa nu apra cè ò ladŭ dèbwèbwè nu. Kib́ĭcè nu Zî ḿî apradè gŏmihtĭda nu.

⁵ Mŏzè ḿî asò̆hto hmeglo d́ŏ Kib́ĭcè Ahibu, acab́ô̆ zôpho dèbwè nu za kha thè̆thî d́ŏ dè akè b́è hlî̆htaphlò̆hta alekă tòcò nu.

⁶ Ḿî Krĭstu nu, Zî ḿîgè acab́ô̆ Pho adî̄ahma dèbwè nu kî Kib́ĭcè Ahib́îcè dèbwè nu dòkhò̆. Kîd́ò̆ wî ḿî Zi hi Za phă b́ĕ wî phîdophîmu wè dèòhme d́ŏ wô pôglo hmetekle dèsascĭi athŭtherĕ nu.

Dèsòd́è̆ Alle d́ŏ Kib́ĭcè Abija tòcò anikhĭ

⁷ Spirito Tcahtĭ d́ò; “Khŏdini thĭ gî̄ thîhè̆b́è Ze lē d́ō,

⁸ mèsabò̄ ḿè thĭ tha acab́ô̆ thĭ phî̆ thĭ phŭ tòcò htad́ĕd́ò Kib́ĭcè b́ĕ cò ò d́ŏ hmîlè̄klè̆ akhè̆ zè mècagè lōwa nu ḿè.

⁹ Cè tòcò tcahtîb́è nòthò̆ Jè mèkèhtagè pwedè̄ d́ŏ ad́e lwiscĭ adābu hnò̆nu, htakhokăgè jè kî b́othagè jè.

¹⁰ Gōnu akhoacè̆ Jè thèhtèb́ègè bija anu durū kî d́ògè cè tòcò; ‘Bija ajo durū nu, amò sascĭi tò ògè tîkî̆ ńò, zò dò dòniphîni jè dèhmèla ńò.’

¹¹ Gōnu akhoacè̆ Jô hôd́ăgè htè; ‘Ze de lenīb́è d́ŏ dèsò̆dūsòd́è̆ alle, htè ja pradòlò zi nikhĭ nu dèbwè̆ ńò,’ nu.”

¹² Thè̆buthè̆we tòcò, sòibò̄ thĭ ne cab́ô̆htè d́ŏ thĭ klè̆ nu, aòi athakî̆kkè kò tò òbò̄ dèbwè̆ ńò htè adèb́u tò ò ńò kî ad́aphlòḿĭ ane d́ŏ Kib́ĭcè ò kò tò òbò̄ dèbwè̆ ńò nu.

¹³ Ḿî b́ĕ “Khŏdini” b́èkja we thĭ nu, thĭ tha gā da sanidabò̄ dèkhòwè adèhlòdèplè abu dèbwè̆ ńò anikhĭ, ikhoiă hlèbò̄ lōwa dèbwè kî dèbwè, gŏ lumu ani nu.

¹⁴ Manè̄ d́ō, wi gī nib́èplo zakò̆ Krĭstu akă dèilage d́ŏ dè zabāgloi dèila wa tòcò htô̆ agudulă nu.

¹⁵ D́ŏ dèd́ò ajo; “Khŏdini thĭ gò̄ sòkhĕńe ma Ze lē d́ō, mèsabò̄ ḿè thĭ tha acab́ô̆ dèhtad́ĕd́ò akhè̆ nu ḿè.”

¹⁶ Asòkhĕńe hwă Kib́ĭcè adèjî̄b́è kî ahtad́ĕd́òdè tòcò ḿî bò̄bwè? Ḿî lŏ bija htè Mŏzè hèhtaihŭgè d́ŏ Izî̆t Ahtĭage abu tòcò nu lò.

¹⁷ Kîd́ò̆ amèthèhtè Kib́ĭcè ad́e lwīscĭ adābu ḿî bò̄bwè dalā bwè? Ḿî amè hwă dèkhòwè d́ō, aco ò phrulaphrî̆htagè d́ŏ lothĭḿizekho tòcò nu tè b́è ńò ā?

¹⁸ Bija htè Zô hôd́ă agē de lenīb́è dèsò̆dūsòd́è̆ alle ńò tòcò nu, dî ḿîbò̄ adò sòkhĕńelēthèhô̆ dè ńò tòcò nu nā?

¹⁹ Wa tcahtî htŏ tèpwè htè cè tòcò adèb́u tò ò ńò acè̆, zo do do zagè ze lle ńò nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan