Bìoball air-loidhne

Galatiăno 1 - Geba Roman New Testament

^1-2 Jè Păulu, bija ab́èjo d́ŏ agè̄ kèhta Thodŏpho htè atè b́è d́ŏ bija kî alekô d́ŏ bija è̆ ńò, ḿî d́ŏ Jezŭ Krĭstu kî Kib́ĭcè Pa, ab́awè̄htoge gè Cè dèthĭklè̆ dèbwè, kî thè̆buwe aòkô ja kă b́ĕjo lŏcăcè hwe d́ò̆sa thĭ Dèòplopho aò d́ŏ Galătiage bu lŏcăcè lò.

³ Wu hnŭsè tèpwè thĭ d́ŏ B́ĭcè Pa kî B́ĭcè Jezŭ Krĭstu adèhludètă kî adèjīdèd́wă abu nu.

⁴ Krĭstu ilagè ane d́ŏ wè dèkhòwèkhòkha tòcò anikhĭ, cab́ô̆htè Zè gè̄ mèhlô̆htagebò̄ wa b́ĕ dèkî̆kkèmèhlò̆ asŏakhè̆ khŏnujo d́ŏ dèsòkhĕńe wî B́ĭcè Pa adèthaèni abu nu.

⁵ B́ĭcè Pa kè̄ b́è d́ò̆è dèdòdèthe lahtŭlablo. Amèn.

Dèithidĭ

⁶ Je htèdômô̄dahmă sôgè d́ŏ thĭ d́aphlòḿĭgè thĭ ne d́ŏ ajogè thĭ d́ŏ Krĭstu adèhludètă abu dèbwè ò kî agô̄ lôkô plaplăgè Vanzĕlō adèthôdèthò̆ athè̆ akhoacè̆ nu.

⁷ Atè b́è d́ŏ Vanzĕlō adèthôdèthò̆ alewesòsŭ acè̆ ńò; ḿî bija athaè mèba thĭ tòcò thaè mèdôbô̄debe Krĭstu aVanzĕlo akhoacè̆ nu.

⁸ Barasă Vanzĕlō adèthôdèthò̆ acòklî kî wò d́ò̆htôlani htŏ thĭ nu, agî̄ ḿî nòthò̆ wa thè̆ne ḿîwî, Mò̄khobwèzo aò d́ŏ Mò̄kho dèbwèbwè ḿîwî, cè kè̄ b́è d́ò̆è dèhôkî̆kkè.

⁹ Ajo ḿî jò d́ògè dèjî̄b́è jò d́ò̆sa htŏ thĭ hlĕ mocè̆kho nu, jò kò d́ò kòd́ò̆ athè̆ tapla be. Bija htè ad́ò̆htô ni thĭ Vanzĕlō Adèthôdèthò̆ acòklî kî thĭ nib́ègè dèbwèbwè nu, cè kè̄ b́è d́ò̆è dèhôkî̆kkè.

¹⁰ Khŏnujo ja thaè mè b́èthagè bò̄bwè? Bija ā? Ḿî Kib́ĭcè nu ā? Jî ḿî awāhlè bija adèb́èthob́ètha thĭ kò d́ò d́ò̆ jè do ā? Tè b́è tèpwè do ńò. Ja thaèni ḿî Kib́ĭcè adèb́èthob́ètha lò. Ja gā thaèni we ma dè ajo dèzè̄ nu d́ō, jî gî̄ tî ḿî Krĭstu akhî̆abwè ńò.

Păulu Adèdamò Kib́ĭcè Adèjo

¹¹ Thè̆buwe tòcò, ja thaè mèthîhè̆ thĭ ḿî ajo. Vanzĕlō htè jò d́ò̆htôlani thĭ dî ḿî bija aè̆ ńò.

¹² Tè b́è d́ŏ bija adèd́ŏsa jè dèbwè̆ ńò, kî bija tè thèhlô̆la jè dèbwè̆ ńò ńò. Ḿî dè htè jò dòniphînigè d́ŏ Jezŭ Krĭstu adèb́ahlî̆la nu dòkhò̆.

¹³ Thĭ thîhè̆ tèpwè jî ḿî bija athèb́è̆ Jŭdapho è̆ dèbwè nu mò̄. Jô lô mèssègnè̆ zî̄gè Kib́ĭcè Adèòplo nu. Jè mèkè̆mèôgè cè pwĕdimi.

¹⁴ Dŏ jò khò̆golō Jŭdapho tòcò ahlò̆mò̄ nu jò sò̆htoògè cadè̄ nu, kî jo thosôthasôgè d́ŏ ji phĭ ju phŭ tòcò anuad́ò̆ akholè̄kălè̄ nu.

¹⁵ Nòthò̆ hnò̆nu, Kib́ĭcè htè arôhtagè jè hlĕ jò òwe jo mo aphŭbu bu dèbwè nu, jogè jè d́ŏ Zu hlu Ca tă abu cab́ô̆htè jè gè̄ mè Zè dèmè nu.

¹⁶ Zô rôgè jè akè d́è̆lî̄ jè Zo Phokhŏ, cab́ô̆htè jò kò d́ò̆sabò̄ bwèthŭkupho tòcò Vanzĕlō nu, Je de ledagè bija adèikŏikja dèbwè̆ ńò.

¹⁷ Ja dahtagè d́ŏ Jerŭsalèm u agē le tca bija aphî̆hta ŭsugè jè Thodŏpho tòcò nu ńò ńò. Ḿî je leb́a danāgè Arĕbiage kî alekă je geb́agè d́ŏ Damăskus u nu dòkhò̆.

¹⁸ Thŏd́e phlòtôlô hwă khaĺè ja htakò̆ Jerŭsalèm u agî̄ jî̄b́èhtî Petru kî òkôkò̆ ca kă scijè̄thè̆ adābu.

¹⁹ Jè tè kèhtîgè bōhmubicè alewe tòcò ńò. Jè kèhtîgè htĕ Zăkomo htè B́ĭcè athè̆buwe nu.

²⁰ Je hwe cè ajo ḿî dèdî̄dèhma lò. Tè b́è jè plè ńò nu B́ĭcè thîhè̆ tèpwè.

²¹ Alekă je legè d́ŏ Sĭria kî Cilĭcia nu.

²² Ḿî Krĭstu adèòplo aò d́ŏ Judĕage nu da tcahtî jè kî dî thîhè̆ jî wî jè kè̆ dimĭ hnî̆ńò.

²³ Ḿî cè tòcò thîhè̆b́è bija d́ò̆sa cè jî wî jè kè̆, “Bija htè alômèssègnè̆ Dèòplopho dèbwè nu, khŏnujo d́òŭd́ò̆sagè dèb́udènè ca thaè mèkè̆ hlĕ aŭsu dèdè̆ nu.”

²⁴ Kî cè tòcò bè̄dòbè̄thegè Kib́ĭcè jo kholè̄kălè̄.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan