Bìoball air-loidhne

Dèd́è̆lî̄ 14 - Geba Roman New Testament

Thŏpho kî Abija tòcò

¹ Alekă d́ŏ jè dètcahtî abu ja tcahtîgè Zion Khòlò̆, kîd́ò̆ d́ŏ khòlò̆kho nu ja tcahtîgè Thŏpho kî aòplo cè ḿî bija abwè di thĭ lwīthò̆ kî lwīhtò, htè Zi mi kî Ca Pa Ami ò ahwela d́ŏ ze mēbòlò tòcò nu.

² Jî thîhè̆ dèlē thèhta d́ŏ Mò̄kho mè cab́ô̆ bla scîla alēdogēhwè, acab́ô̆ hlăphla alē thè nu, alē thèhtagè acab́ô̆ abò̄ dene tòcò bò̄ adene nu.

³ Bija abwè 144,000 sò̆hto d́ŏ Na ahlò̆mò̄, dèphodèwe akhŭ lwīd́ŏ kî adoabwe tòcò ahlò̆mò̄ nu. Cè tòcò thăbô̄ dèthăbô̄ athè̆ dòdò, kî athăbô̄ kèhta ajo ḿî htĕ cè dopho htè ab́è mèhlô̆htage tòcò lò nu.

⁴ Cè ajo dalā ḿî amikhŏ tòcò htè abè̄ tcahtĭ ane kî atò òplokôgè amihmuthèḿè̆ dakhă ńò tòcò nu. Thŏpho le d́òlè̄ nu zè hèkô lōwa akă. Cè tòcò b́è mèhlô̆htagè d́ŏ bija tòcò aklè̆ acab́ô̆ Kib́ĭcè adèphò̆dèthè aŭsu kî Thŏpho anikhĭ tòcò nu.

⁵ D́ŏ zò lòmò bu nu dèhlòdèplè tò ò dakha ńò; dèkèḿè tò ògè zòlò ńò.

Mò̄khobwèzo Thŏbwè

⁶ Alekă ja tcahtî Mò̄khobwèzo alewe dèbwè hwi d́ŏ Mò̄kholè̄ ahtajî nu, cè b́èthodŏ akò d́ò̆sa Vanzĕlō alahtŭlablo d́ŏ Lākho akho, d́ŏ bija gŏ athara, gŏ akhwĭathèlè̆, dèjî̄b́èdòdò gŏ amo, htĭge gŏ age nu.

⁷ Zè kèwo bija kî d́ò lōwa, “Scisăni Kib́ĭcè ale kî htăibò̄ Cè! Manè̄, akhîb́è htŏ za gā sańă kî cirradè nu. Thèb́è̆bò̄ Cè htè ab́òla Mò̄kho, Lākho, pellè kî htĭbātcă dèbwè nu.”

⁸ Mò̄khobwèzo alewe dèbwè lekô ze le, cò d́ò, “Za ladē htŏ! Babilŏnia u Adoamu ladē htŏ! Cè htè ab́oò̆gè bijakhwĭpho lŏcăcè thobiscihtĭ htè aḿî dèzòlò̄ôè̆ acîpôcîthŏ athobiscihtĭ nu!”

⁹ Mò̄khobwèzo thŏbwè dèbwè lôkô ze le, kî htŏhta alē, d́ògè, “Gajă bija athèb́è̆hta dèphodèwe akhŭ kî zè bwèjò hwă d́ō, aphuŭ amēhta lò ḿî̆dîḿî ńò acukhò lò dèbwèbwè nu,

¹⁰ cè tòcò thè̆ne kò ò̆ ma Kib́ĭcè athobiscihtĭ d́ō, cò kò ò̆b́èkò̆ Kib́ĭcè adèthèhtè athobiscihtĭ htè Zò hlònīgè d́ŏ dèthadohta apală abu nu! Kî gajă bija amèdè ajo tòcò nu, gā khab́èkò̆ dèssègnè̆bòdò d́ŏ hmîŭ kî losôb́ô̆ d́ŏ Mò̄khobwèzo Tcahtĭ kî Thŏpho ahlò̆mò̄ nu.

¹¹ Kîdò̆ dèssègnè̆ ahmî gū khuhta thèjô̆ lahtŭlablokò̆. Gajă bija athèb́è̆hta dèphodèwe akhŭ ḿî̆dîḿî ńò zè bwèjò, ḿî̆dîḿî ńò aphuŭ anebî̆cè zi mi tòcò anikhĭ thè̆musè̆munè dèsò̆dūsòd́è̆ kò tò òkò̆ taplă ńò.”

¹² Mègōnu akhoacè̆ bija tcahtĭ tòcò mò òhmeòglo d́ŏ dèòi Kib́ĭcè adèhmèla kî dèb́u Jezŭ nu.

¹³ Alekă jî thîhè̆b́è dèlē d́ŏ Mò̄kho dèdè̆, ad́ò jè, “Hwelabò̄ dè ajo; Ab́èhôwî ḿî bija htè cahta khŏnujo kî plò̆ahlò̆mò̄ athĭ d́ŏ Kib́ĭcè adèmè abu tòcò nu!” Kib́ĭcè Atha d́ò, “Ab́è thĕbwe hŏ! Cè tòcò kò òmòòmakò̆ b́ĕ dèmè asòẃè̆b́è̆tha hwă nu, manè̄ zè dèmè aphò̆athè gē lekôkò̆ ca kă.”

Lākho Adèkèb́u Asŏakhè̆

¹⁴ Khŏnujo jè kèhtîgè d́ŏ jè dèkèhtîdòlò abu dè̄tob́o ab́ôthă dokhlo, kî mè acab́ô̆ bija dèbwè sańăla ò akho kî cô plô khocò̆htè̆ kî cô pôgloi dèzè ahtă tèb́è d́ŏ zu cukhò bu nu.

¹⁵ Alekă Mò̄khobwèzo alewe dèbwè hèhtagè d́ŏ Zarādo kî kèwo alē sôtèklè d́ŏ asańălăò dè̄tob́o akho dèbwè ò, cò d́ò, “Mèi nè dèzè kî kèb́u dakha, manè̄ d́ō, kè kèb́ukèhŭ akhîb́è htŏ! Lākho ab́u hmĭgè kî dèkèb́u asŏakhè̆ dole htŏ.”

¹⁶ Alekă asańălăò dè̄tob́o akho dèbwè nu hwehwă adèzè d́ŏ Lākho nu d́ō, ab́è kè hwălōgè.

¹⁷ Alekă Mò̄khobwèzo alewe dèbwè hèhta d́ŏ Zarādo htè aò d́ŏ Mò̄kho nu, cè ḿî ḿî cò òigè dèzè ahtă tèb́è.

¹⁸ Alekă Mò̄khobwèzo alewe dèbwè, htè atcai hmî dèbwè hèhta d́ŏ dèthèb́è̆kho nu kî cè kèwohtasôgè d́ŏ aòi dèzè ahtă dèbwè nu aò, cò d́ò, “Mèibò̄ nè dèzè ahtă kî d́îgebò̄ thobiscithè aphu tòcò d́ŏ Lākho athobiscige bu nu; manè̄ d́ō thobiscithè hmĭ htŏ!”

¹⁹ Mègōnu d́ō, Mò̄khobwèzo hwehwă adèzè d́ŏ Lākho akho kî kègegè Lākho athobiscithè kî tònīgè cè d́ŏ Kib́ĭcè adèthèhtè dèscii thobiscihtĭ abòbu nu.

²⁰ Thobiscithè b́è jāpîńî d́ŏ klò bu htè aò u akhlŏ nu htô̆ thwi dotòklò̆ pwĕ mè cab́ô̆ lò adola b́ahta dă thîrî akhèe d́ŏ amai gīgèjè adābu nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan