Bìoball air-loidhne

2 Zowănnī 1 - Geba Roman New Testament

¹ D́ŏ adoabwe ò— D́ŏ amihmu ab́èrô dèbwè kî zo pho zi li htè jè b́èlò̄ d́ŏ dèb́èlò̄ ahnèhnè tòcò anikhĭ. Kî tè b́è htĕ jò ò lò ńò, ḿî bija athîhè̆ htŏ dèdî̄dèhma tòcò b́èlò̄ thĭ,

² manè̄ d́ō, dèdî̄dèhma aò thèjô̆ wu bu kî akò ò thèjô̆ lahtŭlablo hnŭsè thĭ.

³ Wa Pa Kib́ĭcè kî Zo Pho Jezŭ Krĭstu adèhludètă, dèkhòwèhmòb́è kî dèjīdèd́wă d́ŏ adèdî̄dèhma kî adèb́èlò̄ kò òkô d́ò̆è thĭ kă.

Dèdî̄dèhma kî Dèb́èlò̄

⁴ B́ĕ ja tcahtîb́è no pho ni li tòcò hèkô d́ŏ dèdî̄dèhma abu nu d́ō, ja thalōthalai azî̄azô̄, htè aḿî acab́ô̆ B́ĭcè Pa ilanigè wa nu.

⁵ Mègōnu d́ō, ja damò nè, ŏ amihmu adoamu, tè b́è je hweni nè cèborŏ acab́ô̆ dèhmèla athè̆ nu ńò, ḿî acab́ô̆ alila wî nib́è htŏ hlĕ aŭsu nu.

⁶ Dèb́èlò̄ htè jò d́ò ajo ḿî wè b́èlò̄b́è lōwa dèbwè kî dèbwè nu, kî wè mèkô b́è Zè dèhmèla akă nu. Ajo ḿî dèhmèla htè thĭ thîhè̆b́è htŏ hlĕ akăhtî nu; thĭ mò lôkô d́ŏ Dèb́èlò̄hlè lōwa gŏ abwè nu.

⁷ D́ŏ Lākho akho jo bwè ahlòhlî̆hlòplè dè òèòcara d́o, cè tòcò tu b́ugè Jezŭ Krĭstu phî̆htagè bija nu ńò, cè tòcò ḿî ahlòhlî̆hlòplè dè kî Krĭstu athè̆d́ĕd́ò lò.

⁸ Wolaibò̄ thĭ ne, dĭ ḿî ńò d́ō, thĭ dèmè awîab́è tòcò gè̄ hlè̆mè̄ kî thĭ gū su gā pa tèpwè thĭ sô thĭ hlè̆.

⁹ Bija dèbwèbwè kò tò òi Krĭstu adèthôdèthò̆ ńò, ḿî hèhta akhlŏ d́ō, cò tò òi za Kib́ĭcè ńò; ḿî d́ŏ bija alôkô Zè dèthôdèthò̆ tòcò nu, zi nib́èkò̆ Pa kî Pho òkô ca kă.

¹⁰ Mègōnu d́ō, bija dèbwèbwè gē lei thĭ dèthôdèthò̆ acòklîkî wè è̆ nu, jo hi jo pha ḿè cè ḿè; hnŭsè thagò̆ ḿè cè ḿè dòkhò̆.

¹¹ Thĭ dèhnŭsè cè nu mè acab́ô̆ thĭ mèkôgè zè dèphîdèmè akî̆kkè akă nu.

Dèjî̄b́è Agudulă

¹² Jò mò d́ò̆sa thĭ dè òwe pwĕdimi be, barasă aègudŭ ḿî je de hwelai hmîhtĭ d́ŏ ô cè abu ńò, jo gomo do. Ja sascĭi agē lehtî thĭ kî gò̄ dòdò̄maja cab́ô̆htè wa dèthaganāi ge pĕhtabò̄ nu dòkhò̆.

¹³ Nè thè̆buwe ab́èrôhta dèbwè aphoali hnŭsè le tèpwè nè.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan