Bìoball air-loidhne

2 Timò̆theo 3 - Geba Roman New Testament

Munilēdū

¹ Gomohtanibò̄ dèsŏdèkhè̆ abaasè̆ kò̄ òhtakò̆ b́ĕ munilēdū tòcò nu.

² Bija gā tcakò̆ htĕ anikhĭ, thaènido hô̆htè̆, gè lè̄dolè̄mu ane, gè lè̄htahtô̆ ane lò. Cè tòcò gè htèkè̆htèô bija, dò sòkhĕńelēthèhô̆ mo pa ńò, dî thîhè̆htage dèhludètă ńò, dî thîhè̆ Kib́ĭcè ńò,

³ dèthowîthab́è tò ò abu ńò, dèthakhòwè tò ò abu ńò, ad́òkè̆d́òô bija, amèhtîmèbodè, athodothakhò̆, adè wè̄ dè sè̆ dè awîaè ńò,

⁴ akî̆kkèmèhlò̆, amèphrò dè, abè̄dobè̄mu ane, ab́èlò̄ dèmòdèma d́olĭ kî Kib́ĭcè lò.

⁵ Cè tòcò gî̄ phîhmegloikò̆ dèthub́uthèb́è̆ anuad́ò̆ htè alî̄hta d́ò̆ bija hlò̆mò̄, barasă dèthub́uthèb́è̆ acô̆thèlè̆ hnèhnè nu cè tòcò gè̄ dè lèkhakò̆ ńò. Hèkô̆bò̄ bija acab́ô̆ gōnu tòcò nu.

⁶ Cè tòcò lenī d́ŏ bija ahibu cab́ô̆htè zò kò̄ hlòniplèni amihmu htè ab́ihtazāhtai dèkhòwè, lôkômèkô dèmòdèma amŏamo tòcò gā ladēnibò̄ cu cukhò bu anikhĭ,

⁷ amihmu htè athaè mèhlô̆ni thèjô̆ nòthò̆ dè hnò̆nu, dî thîhè̆ za tèpwè dèdî̄dèhma da kha ńò tòcò nu.

⁸ Acab́ô̆ Jănnes kî Jambrès htad́ĕd́ò Mŏzè akhò̆ nu, bija ajo tòcò htad́ĕd́ò dèdî̄dèhma, kî cè tòcò ḿî bija ado gomogamā za dè ńò, kî adèb́udènè hèwî̄hèkè̆ tòcò nu lò.

⁹ Barasă cè tòcò dèlle za òjî be tèpwè ńò. Manè̄, bija gŏ abwè gā tcahtîkò̆ cè tòcò adèmèphrò acab́ô̆ Jănnes kî Jambrès akhò̆ nu.

Dèd́ò̆sala Alekăgudŭ tòcò

¹⁰ Ḿî nè nu, nò lôkômèkô htŏ jè dèhmèla, Jè dèòthôḿô̆ aklèthòò̆, jè dèmulè̄sascĭ d́ŏ ahlò̆mò̄ anikhĭ ḿî danè̄ nu ni thîhè̆ htŏ. Jè dèb́udènè, jè dèkhòthad́ò̆, jè dèb́èlò̄thòklè̆, jè dèkŏikhòi,

¹¹ ja khab́è dèmènomèzî̄ jè kî jè dèbadèsè̆ tòcò nu nè kèhtîb́è htŏ. Nî thîhè̆ ja khab́è dèmèssègnè̆ jè amŏamo azî̄azô̄ b́ĕ Antiò̆ka, Ikò̆nia, kî Lĭstra, u tòcò abu nu. Barasă d́o Kib́ĭcè mèhlô̆hta jè d́ŏ dè anu tòcò lŏcăcè lò.

¹² Bija htè athaè ò thôḿô̆ d́ŏ dèb́èlò̄ dèthub́uthèb́è̆ kî aò d́ŏ Jezŭ Krĭstu abu gŏ abwè nu gā khab́è dèbassèngè̆ lò.

¹³ Ḿî bija akî̆kkèmèhlò̆ kî ahlòplè dè tòcò nu, òjî̄ dere dere, d́î̆ d́î̆ gî̄ zî̄hta dere derekò̆. Cò gò̄ hlòplè dè, kî cè thè̆ne gā khab́èkò̆ dèhlòṕlè cè cè.

¹⁴ Ḿî nè nu, dèdî̄dèhma kî dèb́udènè d́ŏ ab́è dè thèhlô̆la nè nu phîhmeibò̄. Ahè hlô̆ nè ḿî bò̄bwè nu nî thîhè̆ tèpwè

¹⁵ Kîd́ò̆ gomohtanibò̄ b́ĕ nî ḿîwe abĭsèpho nu, nî thîhè̆gè. Dèhwela Tcahtĭ d́ŏ ai nè dèthîhè̆ htè wa nib́è za dèmèhlô̆htage ḿî d́ŏ wè dèb́u Jezŭ Krĭstu akhoacè̆ lò.

¹⁶ Dèhwela lŏcăcè nu b́è hwelai Kib́ĭcè Atha Tcahtĭ, kî ahtanilani d́ŏ dèthèhlô̆i dèdî̄dèhma anikhĭ, dèd́òisai anikhĭ, dèprage dè atè b́è ńò tòcò anikhĭ kî thèhlô̆i dèò awîab́è anikhĭ,

¹⁷ cab́ô̆htè Kib́ĭcè abija tòcò gē pehtazòhtabò̄ kî prahnèsèhnè ane dè awîaè gŏ amo anikhĭ nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan