Bìoball air-loidhne

2 Timò̆theo 1 - Geba Roman New Testament

¹ Jè, Păulu, Jezŭ Krĭstu abwè bōhmubicè, acab́ô̆ B́ĭcè adèthaèni ò adĕ nu, thodŏle cè akò d́òhlî̆hta dèò ab́èkja dèd́òdòlò d́ŏ Jezŭ Krĭstu abu,

² d́ŏ Timò̆theo, jo phokhŏ jè b́èlò̄ ò: Pa B́ĭcè kî Jezŭ Krĭstu wî B́ĭcè ki ila d́ò̆è nè ahluată, dèkhòwèhmòb́è kî dècodèmò.

Dèthîhè̆htage kî Dèikhoiă

³ Ja thîhè̆htage Kib́ĭcè htè jè mè adè d́ŏ dèthohlî̆thatcă abu acab́ô̆ phĭ phŭ tòcò mègè nu dèbwè adèhludètă. Ja thîhè̆htage thèjô̆ Cè b́ĕ jo gomohtani nè d́ŏ jè dèdathèb́è̆ abu thè̆musè̆munè lò.

⁴ Jo gomohtani na gādŭhtĭ la, d́ō thaè tcahtîsôgè jè nè. Ja gā tcahtî ma nè d́ō ja gā thaganāib́è tèpwè.

⁵ Jo gomohtani nè dèb́udènè hnèhnè aò nu bu, htè aògè d́ŏ ni phĭ Lois, kî no mo Eunice nu. Ju b́u thĕbwe d́ŏ akò òkô nu bu lò.

⁶ Gōnu akhoacè̆, ji igomohtani nè d́ŏ nè gè̄ mè thôḿô̆i Kib́ĭcè adèilani nè, b́ĕ jè bè̄hta ju cukhò no kho akhè̆ nu.

⁷ Manè̄, Spirito Tcahtĭ htè Kib́ĭcè ilani kè dî ḿî amèkèhta kè bwèthu ńò, ḿî Ci Spirito Tcahtĭ htè aòpĕhta kî d́ècô̆thèlè̆, dèb́èlò̄thòklè̆ kî dènodèbèlage ane lò.

⁸ Mègōnu d́ō, thăwā khabò̄ ḿè ne ne thè̆thî d́ŏ wî B́ĭcè anikhĭ ḿè, kî thăwā nikhĭbò̄ ḿè jè, htè ab́è dèd́owè̄glo d́ŏ Krĭstu acè̆ dèbwè anikhĭ ḿè ḿè. Ḿî ḿî, acab́ô̆ Kib́ĭcè i nè dèkhodèă akhò̆ nu, Khajīplobò̄ jè dèssègnè̆bòdò d́ŏ Vanzĕlō awîakè̆ anikhĭ nu.

⁹ Kib́ĭcè mèhlô̆htage kè kî jogè kè acab́ô̆ Za bijakhwĭpho ḿî tèb́è d́ŏ gè mè dèwîdèè akhoacè̆ ńò, ḿî d́ŏ Zè dèthaèni kî Zu hlu Ca tă d́è̆ Cè è̆ lò. Dukhlŭkî Lākho b́è b́òla hnî̆ńò nu, d́ŏ Jezŭ Krĭstu acè̆ Kib́ĭcè ilagè kè ahluată lò.

¹⁰ Nòthò̆ hnò̆nu, khŏnujo Zu hlu Ca tă b́è d́è̆lî̄htagè d́ŏ Jezŭ Krĭstu, htè amèhlô̆htage wa adèlela nu htŏ. Zè mèkŭdugè dèthĭ acô̆athèlè̆, kî Cè d́è̆lî̄hta dèò alahtŭlablo d́ŏ Vanzĕlō abu nu.

¹¹ B́ĭcè rôhtagè jè acab́ô̆ Zo bōhmubicè kî Sara d́ŏ akò d́òŭd́ò̆sa Vanzĕlō anikhĭ,

¹² gōnu akhoacè̆ ja khab́èkò̆ dè ajo tòcò lò. Barasă d́ō, ada thăwā tèpwè jè ńò. Manè̄ kò̄ d́òdo dō, bija htè ju b́u b́è dèbwè ḿî bò̄bwè kî dè ab́èila ju cukhò bu nu Zè gè lè̄dîhtî̆ ni jè htô̆do d́ŏ muni dini nu jî thîhè̆ lò.

¹³ Phîhmeglobò̄ dèjî̄b́è adî̄ahma htè jè thèhlô̆gè nè, acab́ô̆ dè ad́ô̆ d́ŏ nò gô̄ lôkôi anikhĭ, òibò̄ dèb́u ahmeaglo kî dèb́èlò̄ htè aḿî kè è̆ d́ŏ Jezŭ Krĭstu abu nu.

¹⁴ D́ŏ Spirito Tcahtĭ a ò gū bu adèkhodèă nu, phîhmeibò̄ dè awîaè htè ab́èila nu cukhò bu tòcò nu.

¹⁵ Nî thîhè̆ Phigelus kî Hemènĕo ńò̆ńò kî bija htè aò d́ŏ Asĭa agebu gŏ abwè hèbāthĭwīgè jè.

¹⁶ B́ĭcè adèthakhòwè kè b́èbò̄ Onecĭphrus ahiphophăpho tîkî. Manè̄ d́ō, zè mèmòhtage jè òè̆pla lò. Ca da thăwā nikhĭ jè d́ŏ jò òb́è dèkî̆dî̄ abu akhoacè̆ ńò.

¹⁷ B́ĕ je ledo d́ŏ Rŏma U nu, za wāhlè htô̆ cè kèhtî jè lò.

¹⁸ B́ĭcè gī ilanibò̄ zè dèkhòwèhmòb́è d́ŏ Munilēdū nu! Kî d́ŏ Ephè̆sus U abu nu zè mèigè jè pwedè̄ pwedè̄ nu nî thîhè̆ gudŭ lò.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan