Bìoball air-loidhne

2 Petru 2 - Geba Roman New Testament

Saraplè tòcò

¹ Barasă d́ŏ bija tòcò aklè̆ nu Prò̆fèt aplè ògè tòcò cò, acab́ô̆ sara aplèahlŭdè d́ŏ bwèlamulapha tòcò aklè̆ akhò̆pha nu. Cè tòcò htîphlòḿĭgè B́ĭcè abwîge cè dèbwè nu, gōnu d́ō, zo jo ladē plă tèpwè dèkè̆dèhlè̆mè̄ d́ŏ zo kho tòcò nu.

² Mè nòthò̆ dō hnò̆nu, òè̆bwè gô̄ lôkôkò̆ zè dèthaèni akă kîd́ò̆ ajo acè̆, bija kò d́òkè̆d́òôkò̆ dèdî̄dèhma Aklèthòò̆.

³ D́ŏ zè dèthaènido acè̆, saraplè tòcò gè̄ plè gū hlŭkò̆ thĭ d́ŏ zè dè mèhta awîakè̆ atò ò thĕbwe ńò aklè̆ nu.

⁴ Manè̄ kòd́òdo dō, Kib́ĭcè dè lè̄hlô̆gè Mò̄khobwèzo amèni dèkhòwè tòcò ńò, ḿî Ze hwĕladēnī lōwa d́ŏ Larrā abu kî cŏglo lōwa dèkhiklè̆ cab́ô̆htè ci gī cirra lōwa b́ĕ Dècirra Amuni anikhĭ nu.

⁵ Kib́ĭcè dè lè̄hlô̆gè Lākho hlemo tèb́è ńò ḿî Ze mèkè̆ mèhlè̆mè̄gè lōwa ploplo kî bija ab́icèklèhtò tò ò ńò tòcò nu. Zè lè̄hlô̆ lò htĕ Nŏah htè ad́ò̆htô dèdî̄dèhma dèbwè, kî alewe thăthô dèbwè lò.

⁶ Kib́ĭcè cirragè Sò̆doma kî Gòmò̆rra u tòcò, Cu wulaphî̆ lōwa acab́ô̆ phèpo nu mè acab́ô̆ amèkhorokhara ane tòcò anikhĭ dèb́èhjŏ alle nu.

⁷ Dòkhò̆b́è ḿî Ze mèhlô̆htagè bwè adî̄ahma Lòt, d́ŏ zè dèothootha akî̆kkè kî amè darază ane tòcò acè̆ dèbwè nu.

⁸ Manè̄ d́ō d́ŏ bwè adî̄ahma anu dèbwè òkôwe bwèkî̆kkè tòcò akă nu, zè dètcahtî kî thîhè̆b́è lōwa adèkî̆kkèmèhlò̆ tòcò nu mèssègnè̆bòdò zî̄gè cè lò.

⁹ Dèado thîhè̆ agē mèhlô̆hta bija ascisăni B́ĭcè ale tòcò d́ŏ dèhnakă aklè̆ kî agī cirra bwèkî̆kkè tòcò d́ŏ dècirra amuni abu cadè̄ nu,

¹⁰ d́okhlŏ ḿî d́ŏ bija alôkô phehî adèthaèni d́ŏ dècîpôcîthŏ abu kî ahtèkè̆htèô dèkhodène adòdothedo tòcò nu. Bija ahtètŏmotosă tòcò jo to d́ŏ ta ja Kib́ĭcè alēahwè ńò.

¹¹ Agî̄ ḿî d́ò̆ Mò̄khobwèzo tòcò d́ō, zo kho ca ă do d́osè nòthò̆ hnò̆nu dè mè tèpwè zi nikhĭ dèd́òdèsa ńò dòkhò̆.

¹² Bija ajo tòcò nu mè acab́ô̆ dèphodèwe bija pô kî mèthĭ a tòcò nu, sòlŭsò̆jè̄ i tèpwè dè htè zi dî thîhè̆ za ńò tòcò nu,

¹³ kî zè gè̄ kè̆ gè̄ hlè̆mè̄ tèpwè d́ŏ zè dègudunapă aklè̆ nu htè aḿî zè dèmèkèḿè alīabwî nu. Zè dèkhîbô̄khîbè d́ŏ dèhlî̆dèwa aklè̆ nu zo gomo acab́ô̆ zi nikhĭ dèmòdèma, zo gomo ḿî cò òplî̆òtcă. Zè dèa plo ò̆ plo thĭ ḿî apĕhta kî dèmèmò phehî lò.

¹⁴ Za gādŭbu ḿî aòpĕhta kî dèlathulakèḿè d́ŏ dèkhòwè abu thèjô̆ lò. Zò hlòplè bija athoatha ade hme do glo ńò tòcò nu; Ca tha ḿî athaèni thèjô̆ dè; cè tòcò ḿî dèhôkî̆kkè aphoali.

¹⁵ Za bāphlòmĭ klèdanā kî zè hèphrògè klè; zô lôkôgè Balaăm, Bò̆sòr apho ale, htè ab́èlò̄ dèhmô̆dèhmă asôahlè̆ dèbwè nu.

¹⁶ Barasă cè nu, zè b́èhò̆gè zè dènīblunītrò acè̆ nu zî phî̆htagè thîrîd́ŏ akhèglo, ḿî ajî̄b́è bija alē d́ŏ prò̆fèt atitŏ adèmèzo abu tod́ŏ nu.

¹⁷ Bija ajo tòcò ḿî lò̄pho htè htĭ tò ò ńò kî dèscihtĭ htè gīlli uphlòḿĭ tòcò nu; lumunèkhè̆ adèkhi ḿî zi nikhĭ lò.

¹⁸ Zè dèjî̄b́è ahtajîthwi ahtabohtab́ă tò ò ńò, bija asèphlòḿĭ ni dèmèkèḿè alle tòcò kî zè dèjî̄b́è adēkha.

¹⁹ Ca aḿăkhai lōwa dèòhlô̆òla barasă cè thè̆ne ḿî dèkè̆dèô azô dòkhò̆, manè̄ d́o, bija dèbwèbwè gā kha thodŏ anekî dè domomo d́ō, zî ḿî lōwa azôabwè lò.

²⁰ Manè̄ kòd́òdo dō, bija tòcò sèphlòhtani hwă Lākho adèkhorokhara aklè̆ d́ŏ zè dèthîhè̆ hwă B́ĭcè Amèhlô̆htagedè Jezŭ Krĭstu d́ō, dèlèlè cè kè̄ b́è pîkî̆pakaglowe ma d́ŏ dèkhorokhara aklè̆ d́ō, dèkî̆kkè bègè cè akhoacè̆ nu, zè dèò alekă dèdè̆ zî̄ d́okhlŏ tèpwè aŭsu dèdè̆ nu dòkhò̆.

²¹ Zî dî thîhè̆ mŭpla ma dèdî̄dèhma aklè ńò d́ō, akè è d́okhlŏ bò̄d́ò̆ zî thîhè̆ hwăgè kî d́ab́age akhlŏ d́ŏ dèhmèla tcahtĭ ab́èilani cè dòkhò̆.

²² “Htwi age apò,” ḿî ab́ènibòni thĕbwe bija ajo tòcò jo kîd́ò̆ dèd́ò alewe dèdè̆, “Htò htè aŭsa hwă htĭ ageb́ahuge hapèè ahtĭhnò nu.”

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan