Bìoball air-loidhne

2 Kòrĭn 10 - Geba Roman New Testament

Păulu Adèd́òscĭ Bija Adèsajò

¹ Ajo ḿî jè, Păulu, thè̆ne adèd́òthîhè̆; d́ŏ Krĭstu adèthob́îthajū kî adèkhòthad́ò̆ abu nu. Jè, bija htè abè̄b́ôla ane b́ĕ thĭ hlò̆mò̄, kî akhŭahè̆ b́ĕ cò òjîkî thĭ dèbwè nu thaè damò thĭ,

² b́ĕ we ledohtî thĭ akhî nu, ibò̄ ḿè wè mèkhŭmèhè̆ we ne ḿè. Manè̄ bija htè ad́ò d́ŏ wî ḿî amèdè bija amūkă lò tòcò alò wè mèkhŭmèhè̆ za tèpwè we ne lò.

³ Wò òkî phe òkî hî hŏ, barasă amèsèsòwò̄hta wa ad́oaphja dè ḿî tè b́è phehî ńò.

⁴ Wè dèrî̄dècŭ dî ḿî Lākhopho adèrî̄dècŭ tòcò ńò, barasă ḿî Kib́ĭcè è̆, htè akhob́ăădo pwĕ ade ladēphra kèhta dèb́òhta ahmeaglo tòcò nu. We deladēphra bija adèdara tòcò,

⁵ dèthwido ahtad́ĕd́ò dèthîhè̆ Kib́ĭcè tòcò nu; wò phò, wo cŏglogjî̄glo za dègomo gŏ amo cab́ô̆htè we gē leibò̄ cè d́ŏ dèsòkhĕńe Krĭstu alē nu.

⁶ Hlĕ mocè̆kho nu thĭ òigè dèsòkhĕńelēthèhô̆ pĕhtazòhta, kî wo ò dòlògè agī cirradè d́ò sòkhĕńelēthèhô̆ ńò arră nu.

⁷ Thĭ tca lò dè htè aòlî̄hta tòpòkho tòcò lò. Gajă bija ab́u htè cî ḿî Krĭstu abija dèbwè nu, gomobò̄ htè wa ḿî ḿîwî ḿî Krĭstu abija tòcò lò nu.

⁸ Ală ḿî jè bè̄dobè̄mugè je ne, barasă Dèado igè jè aphlŭathere agā prahta thĭ, kî agā da phrakè̆ thĭ ńò d́ō, ja gā da thăwāib́è tèpwè ńò.

⁹ Ja da thaèni thĭ gomo jî ḿî bija amèscisăi thĭ kî ô cè dèbwè nu ńò.

¹⁰ Bija kò d́òkò̆ thĭ gōjo, “Păulu hwe cè kî dèjî̄b́è a sô, nòthò̆ hnò̆nu, d́ŏ wò hlò̆mò̄ nu zi ḿî bija azeb́uzēthŏ, kî zî dî ḿî ad́ò̆htô za dè dèbwè ńò.”

¹¹ Bija ad́ò gōnu dèbwè nu gomohtani d́ò̆è, b́ĕ jò òjîkî thĭ akhî, acab́ô̆ dèjî̄b́è aò jô ô jè cè bu tòcò akhò̆ nu, b́ĕ wo dohtî thĭ nu wè dèphîdèmè ḿî ḿî agî̄ ḿîkò̆ gōnu lò lò.

¹² Wu du khŭ pwĕ wò d́òla we ne d́ŏ bija abè̄htajî ane tòcò aklè̆ nu ńò, kî wô tô d́ôthò̆drò we ne kî bija alewe dèbwè̆ ńò ńò. Bija htè abè̄dobè̄mu lage dò̆ ane lò tòcò nu, zî ḿî bija agudu lò.

¹³ Ḿî wa jo, wî dî jî̄b́è htajî lôla d́olĭkî wa ta jî̄b́è ńò, ḿîwî jî̄b́è htajî i we ne kî dèphîdèmè htè Kib́ĭcè ilani wa, kîd́ò̆ wè dèmè d́ŏ thĭ kho thĭ klè̆ tòcò acè̆ lò.

¹⁴ Wô tô cô̆ we ne pwĕ thĭ gô̄ dô htôhtab́a wa nu ńò, ḿîwe ledohtî thĭ kî d́òŭd́ò̆sa Krĭstu aVanzĕlo acab́ô̆ hlĕ akăhtî nu lò.

¹⁵ Ḿĭtîḿî d́ŏ Kib́ĭcè ilani wa tòcò ńò nu, wî dî jî̄b́è htajîthwi igè bija alewe tòcò adèphîdèmè akhoacè̆ ńò, ḿî wa sascĭi, acab́ô̆ thĭ dèb́u dohta dere dere nu, wè gè̄ mè zabò̄ dèmè d́ŏ thĭ kho thĭ klè̆ d́olĭ kî ale, acab́ô̆ Kib́ĭcè lè̄lani wa adĕ nu.

¹⁶ Hwă d́ō we gē leikò̆ Vanzĕlō d́ŏ ale òjîkî thĭ tòcò nu, tè b́è d́ŏ dè ăwū bija alleaklè nu ńò, tè b́è d́ŏ dèphîdèmè bija mè hwăgè tòcò akho ńò.

¹⁷ Barasă d́ō acab́ô̆ dèhwela ò ad́ò, “Bija athaè jî̄b́è htajîthwi dèbwè zè mè d́ò̆è d́ŏ B́ĭcè ami abu nu.”

¹⁸ Manè̄, bija ahtăi ane dèbwè nu, dî nib́è tèpwè Kib́ĭcè adèhtăi ńò, ḿî htè Ca htăi dèbwè dòkhò̆.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan