Bìoball air-loidhne

2 Kòrĭn 1 - Geba Roman New Testament

¹ Păulu, B́ĭcè Jezŭ Krĭstu abwè Thodŏpho htè Kib́ĭcè adèb́ètha abu ab́èrôhtagè dèbwè nu, kî thè̆buwe Timò̆theo hweni Kib́ĭcè Adèòplo aò d́ŏ Kòrĭnthia kî Kib́ĭcè abija Tcahtĭ lŏcăcè aò Akhaĭage tòcò cèborŏ ajo:

² Wa Pa B́ĭcè kî B́ĭcè Jezŭ Krĭstu kî ila d́ò̆è thĭ ahluată kî dècodèmò.

Dèhtăi Kib́ĭcè Ahluată

³ Wî B́ĭcè Jezŭ Krĭstu Apa Kib́ĭcè b́è dèhôwî, Zî ḿî Apa akhòwèdè kî dèmèmòhtage lŏcăcè Ab́ĭcè,

⁴ htè amèmòhtage wa d́ŏ dèohmŭora lŏcăcè aklè̆, d́ō wa dòkhò̆ ḿî mèzo zakò̆ aohmŭora tòcò nu, dŏ wi nib́è Kib́ĭcè adèmèmòhtage akhoacè̆ nu.

⁵ Acab́ô̆ wa khab́èplo Krĭstu d́ŏ Zè dèbadèsè̆ adozî̄ akhò̆ nu, wi nib́èkô Kib́ĭcè adèmèzo adoamu d́ŏ Krĭstu acè̆ nu nu.

⁶ Wa ab́è dèssègnè̆ ḿî thĭ dèmèmòhtage kî thĭ dèhlô̆htage anikhĭ lò. Ḿî b́ĕ wè b́è dèmèmòhtage nu agî̄ ḿîb́è thĭ dèmèmòhtage, agô̄ thô̆htôgloi thĭ, agò̄ khòthad́ò̆i dèssègnè̆ htè wa khab́è htŏ tòcò nu.

⁷ Kîd́ò̆ wa dèsascĭi thĭ kho ḿî dèthohmethaglo, manè̄ wi thîhè̆ htè thĭ khaplo wa dèssègnè̆ acè̆ thĭ gī nib́èplo wa dèmèmòhtage nu.

⁸ Thè̆buwe tòcò, wa thaèni thĭ gī thîhè̆ htè wa khab́èjab́è d́ŏ Asĭa agebu tòcò ḿî dèb́idèzā htè wi ti b́i kèhta ńò tòcò nu. Pwĕ acab́ô̆ wo do gomo kî agô̄ hlô̆htaphlòhta d́ŏ dèòthôḿô̆ abu ńò nu.

⁹ Hmahŏ, wè hè b́ii zāi dèthĭ d́ŏ wò lò nu, htè athèihŭgè wa agā da sascĭilage ane ńò, ḿî Kib́ĭcè htè ab́awè̄htoge athĭ tòcò dèbwè nu.

¹⁰ Kîd́ò̆ Zè mèhlô̆htage wa d́ŏ dèthĭklè̆, kî alekă Zè gè̄ mèhlô̆htage we wa; hmahŏ, wa sascĭi hmehmecece Cè d́ŏ Zè gè̄ mèhlô̆htagekò̆ wa tapla be,

¹¹ b́ĕ thĭ thèb́è̆zo wi nikhĭ nu. Adahta wi nikhĭ dèmèzo d́î̆ òè è, wi gī d́î̆ htăhtaigekò̆ Kib́ĭcè d́ŏ dèila wa tòcò acè̆ nu.

Păulu B́ăkhlè Adèkŏdèkja

¹² Wî phîdophîmu dè ò domo, htè wa tha d́ò̆sa wa ab́è nu, we lè̄d́ŏlè̄j́a bija gŏ abwè, d́okhlŏ thĭ nu d́ŏ Kib́ĭcè ilani wa dèthodanāthadanā abu nu, ḿî d́ŏ Kib́ĭcè ahluată acè̆ wè dè mè tòpòkhogè dè dimĭ ńò nu.

^13-14 D́ŏ wô ô wè cè abu nu, thĭ ta pahtî mè dè ahuazò dimĭ ńò, ḿî thĭ pha kî thîhè̆ za tèpwè. Thĭ dî thîhè̆ thuŭthèè nòthò̆ wa hnî̆ńò hnò̆nu, ja sascĭi tèpwè htè b́ĕ wî B́ĭcè Jezŭ dole tapla nu, thĭ kî thîhè̆b́è kî phîdophîmukò̆ wa cab́ô̆htè wî phîdophîmugè thĭ nu.

¹⁵ Ju b́u thĕbwethîlî̆gè gōnu d́ō, ja thaè lehtî ŭsu thĭ, cab́ô̆htè thĭ gī nib́èbò̄ dèhôwî gīplabu nu.

¹⁶ B́ĕ je le d́ŏ Macedŏniage nu, alekhè̆ kî agekhè̆ papa Je gē lenī htî thĭ, cab́ô̆htè ji gī nib́èbò̄ thĭ dèmèzo b́ĕ jè gē le d́ŏ Judĕage anikhĭ nu jo gomo d́o lò.

¹⁷ Dèkŏhtakjala ajo nu, ad́è̆lî̄gè jî ḿî atha dîwî̄dewe ā? B́ĕ jo kŏhtakjala dè nu, ḿî bija atèpwèpho aè̆ lò nu ā? B́ĕ jî jî̄b́è akhî nu, jò d́ò, “o,” kî “ńò,” taplakhă lò nu ā?

¹⁸ Acab́ô̆ Kib́ĭcè d́ò dèdî̄dèhma thĕbwebwĕ akhò̆, jè dèŏlă thĭ tèb́è “o,” kî “ńò,” ńò.

¹⁹ Manè̄ Jezŭ Krĭstu, Kib́ĭcè Apho, htè Cĭlas, Timò̆theo kî jè thè̆ne ad́ò̆htôlani thĭ Zi wî Zè kè̆ dèbwè nu tè b́è “o,” kî “ńò,” taplakhă lò ńò. Cè ḿî Kib́ĭcè è̆ “o,” lò.

²⁰ Manè̄ Cè ḿî “o,” d́ŏ Kib́ĭcè adèŏlăphlala lŏcăcè anikhĭ lò. Mègōnu d́ō, d́ŏ Jezŭ Krĭstu akhoacè̆, wa “Amèn” b́ègè d́ŏ B́ĭcè adòathe abu nu.

²¹ Amèhmemèglo wa kî thĭ d́ŏ Krĭstu abu, kî hôwîhta wa ḿî Kib́ĭcè lò.

²² Kib́ĭcè dòla hmăi wa kî ila wa Spirito Tcahtĭ d́ŏ wu bu cab́ô̆ dèŏlăphlala ab́èkja dèlŏcăcè htè aòpranè dòlò wa nikhĭ nu.

²³ Jo johta Kib́ĭcè cab́ô̆htè Zî gî̄ ḿîbò̄ jè thè̆thî, manè̄ Zî thîhè̆ jo tho ja tha lò. Jè lè̄lagè ja tha d́ŏ je de lebe Kòrĭnthia u ńò nu thĭ nikhĭ ḿî dè aè lò.

²⁴ Wò tò d́òsôd́òhma thĭ d́ŏ thĭ kū b́u b́è danè̄ danè̄ nu ńò. Thĭ dèb́u òhmeòglo nu wî thîhè̆ tèpwè. Ḿî wè mèjīplo thĭ, d́ŏ thĭ dèthalōthalai anikhĭ lò.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan