Bìoball air-loidhne

1 Zowănnī 1 - Geba Roman New Testament

Kib́ĭcè Adèjî̄b́è Phî̆hta Bija

¹ We hwenigè thĭ ab́èkja dèthôḿô̆ Alēahwè htè aògè hlĕ akăhtî be be nu. Wî thîhè̆b́è kî tcahtî thè̆negèkî wa gādŭ; wè kètcagè kî bōwè̄bāwè̄b́è kî wu cukhò.

² B́ĕ dèòthôḿô̆ d́è̆lî̄hta nu, wè kèhtî kî wò dòdò̄majai kî d́ò̆sa tèpwè thî ab́èkja dèthôḿô̆ lahtŭlablo htè Cò òkô Pa akă kî mèthîhè̆gè wa nu.

³ Wa tcahtî kî thîhè̆b́è tòcò nu wò d́ò̆sa thĭ cab́ô̆htè thĭ kò òplo b́èbò̄ wa acab́ô̆ wò òplogè B́ĭcè Pa kî Zo Pho Jezŭ Krĭstu nu.

⁴ We hweni thĭ cè ḿî cab́ô̆htè agè̄ mè pĕhta wè dèthaganāi anikhĭ nu.

Kib́ĭcè ḿî Dèhlî̆

⁵ Wî thîhè̆b́è dè d́ŏ Zo Pho ò kî wò d́ò̆sa dèwîdèkè̆ ḿî ajo; Kib́ĭcè ḿî dèhlî̆, d́ŏ còò nu dèkhi tò ò ńò.

⁶ Mègōnu d́ō, wò ò hwă dèkhiklè̆, wò kò d́ò ma wò òplo Kib́ĭcè d́ō, wò d́òplèdè kî wò tò ò tèpwè dèdî̄dèhma abu ńò.

⁷ Barasă wò kò ò ma dèhlî̆ abu d́ō, acab́ô̆ Zî ḿî dèhlî̆ nu d́ō, wò òplob́è tèpwè lōwa dèbwè kî dèbwè, kîd́ò̆ Zo Pho Jezŭ athwi ŭsab́ăkè̆ lŏ wè dèkhòwè nu.

⁸ B́eḿĕ wò kò d́ò ma wè dèkhòwè tò ò ńò d́ō, wè plèlage dò̆ we ne kî wè gè̄ dè lèkha tèpwè dèdî̄dèhma ńò;

⁹ ḿî wò kò d́òphlò̆hta ma wè dèkhòwè d́ō, Kib́ĭcè htè ahmeaglo kî adî̄ahma dèbwè ka b́ăplè wè dèkhòwè kî ku ŭsab́ăkò̆ wa d́ŏ dèkèḿè lŏcăcè aklè̆.

¹⁰ Wò kò d́ò ma wè dè mègè dèkhòwè taplă ńò d́ō, mè acab́ô̆ wè mèkèhtagè Kib́ĭcè acab́ô̆ aplèahlŭdè nu d́ō, wè d́è̆lî̄ tèpwè htè Ze lē zè hwè tò ò wu bu ńò nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan