Bìoball air-loidhne

1 Timò̆theo 2 - Geba Roman New Testament

Dèòplo Adèthub́uthèb́è̆

¹ Mègōnu d́ō, aŭsugudŭ, Ji ikhoiă thĭ d́ŏ thĭ kò̄ òi dèthakhòwè, dèdathèb́è̆, dèdadè d́ŏ bija lŏcăcè anikhĭ kî dèkòihtăi Kib́ĭcè,

² thèb́è̆dadè d́ŏ Saphra, kî gajă bwèdo aŭitcaidè lŏcăcè anikhĭ, cab́ô̆htè wa kòòcoòkhli, òmòòmab́èbò̄ d́ŏ dèd́ŏdèj́a Kib́ĭcè kî dèthăbrŭthăbrā abu anikhĭ nu.

³ Ajo ḿî dè aè kî dèamèthalōthala Kib́ĭcè Amèhlô̆htage wa,

⁴ htè athaèni bija Lākhopho lŏcăcè gī nib́è dèhlô̆htage, kî dèthîhè̆ adî̄ahma anikhĭ nu.

⁵ Manè̄ d́ō, Kib́ĭcè ò dèbwè lò, kî amèjīmèd́wădè d́ŏ Kib́ĭcè kî bija amēzo ò dèbwè kî Zî ḿî bija htè Jezŭ Krĭstu,

⁶ htè ailagè ane d́ŏ bija Lākhopho lŏcăcè kè̄ b́è bwîge anikhĭ nu. Anu ḿî dèd́è̆lî̄hta ab́èsŏb́èkhè̆ htè Kib́ĭcè thaèni bija lŏcăcè gô̄ dèhlô̆htage nu.

⁷ Kîd́ò̆ jè b́è thodŏlă dèjo akhoacè̆ acab́ô̆ Thodŏpho, kî sara htè agè̄ thèhlô̆ bwèthŭkupho tòcò, kî akò d́ò̆sa bija dèb́udènè kî dèdî̄dèhma anikhĭ dèbwè nu. Jò tò d́òplè ńò. Jò d́ò dèdî̄dèhma lò.

⁸ D́ŏ dèòplo adèthub́uthèb́è̆ gŏ apla nu, ja thaèni amikhŏ htè amè tcahtĭ ane d́ŏ Kib́ĭcè anikhĭ tòcò gē wehta acukhò kî thèb́è̆dahta, tò òibò̄ dèthèhtèd́òd́è̆ kî dèhtakhokă ńò nu.

⁹ Cab́ô̆ gōnu akhò̆, jè dèthaèni ḿî amihmu tòcò kô kô̆thò thăbrā, kî ò thăbrā, ra ane b́ĕ ab́ènibòni, b́î̆bò̄ ḿè khulŭ ḿè, grōb́ò̄ ḿè khosòhtè̆, khosòpèllè̆, kî kô̆thòbò ḿè alīdobwîthè̆ tòcò nu ḿè.

¹⁰ Ḿî òibò̄ dèmèwîmèb́è, kî d́è̆lî̄htabò̄ thĭ ne aè dèthub́uthèb́è̆ tòcò dòkhò̆.

¹¹ Amihmu tòcò takî cò kò̄ òzòlò kî mèhlô̆nidè d́ŏ dèbè̄b́ôla ane abu nu.

¹² Ji ti i akhwè d́ŏ amihmu tòcò gè̄ thèhlô̆ dè, kî phî dècô̆dèthèlè̆ d́ŏ amikhŏ tòcò akho ńò. Cè tòcò kè̄ b́è ò tab́ab́a lò.

¹³ Manè̄ d́ō, Adam b́è b́òla ŭsu hwă khaĺè Ĕva b́è b́òlakò̆ alekă lò.

¹⁴ Kî Adam tè b́è dèhlòniṕlèni cè ńò. Bija ab́è hlòniplèni kî amèkèḿè Kib́ĭcè adèthôdèthò̆ ḿî amihmu lò.

¹⁵ Barasă d́ō, amihmu ḿî òhmeòglo d́ŏ dèb́udènè, dèb́èlò̄thòklè̆ kî dètcădèhtĭ abu, kî ò thăbrŭthăbrā nu, zi gī nibè dèhlô̆htage d́ŏ dèòphoòli akhoacè̆ nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan