Bìoball air-loidhne

1 Thèssalò̆nika 1 - Geba Roman New Testament

¹ D́ŏ Thèssalò̆nika adèòplopho htè ab́èkja Pa B́ĭcè kî B́ĭcè Jezŭ Krĭstu tòcò ò: Păulu, Cĭlas ki Timò̆theo hwe cèborŏ jo lò. Ahluată kî dècodèkhli kò òkôbò̄ thĭ kă.

Thèssalò̆nikapho Adèòthôḿô̆ kî Adèb́udènè

² Wî thîhè̆htage Kib́ĭcè thèjô̆ d́ŏ thĭ gŏ abwè akhoacè̆ kî Thèb́è̆hta thèjô̆ thĭ nikhĭ d́ŏ wè thèb́è̆dahta abu nu.

³ B́ĕ wa thèb́è̆dahta gŏ apla nu, wo gomohtani thĭ dèb́udènè kî thĭ dèb́èlò̄ htè ahnanosòkă thĭ agè̄ mèdè thĕbwethîlî̆, kî thĭ dèsascĭd́ògodòi wî B́ĭcè jezŭ Krĭstu òhmeòglo tèpwè nu.

⁴ Thè̆buthè̆we tòcò, wî thîhè̆ tèpwè htè Kib́ĭcè b́èlò̄ thĭ kî rôhtagè thĭ agè̄ kèhta Cè è̆ anikhĭ nu.

⁵ Manè̄, we le d́ò̆sagè thĭ Vanzĕlō, tè b́è htĕ dèjî̄b́è lò ńò, ḿî dècô̆thèlè̆, Spirito Tcahtĭ, kî dèdî̄dèhma aphî̆hta hnèhnègè nu. B́ĕ wò òkôwe thĭ kă akhè̆ nu, wò ò wò sò̆ cadè̄ nu thĭ kèhtî thîhè̆ tèpwè. Ajo ḿî lŏ thĭ nikhĭ lò.

⁶ Thĭ khab́è dèmèssègnè̆ thĕbwethîlî̆ nòthò̆ hnò̆nu, d́ŏ Spirito Tcahtĭ adèi acè̆, thĭ phînigè Vanzĕlō d́ŏ dèthakhŭthaganāi abu nu.

⁷ Gōnu acè̆, thĭ ḿîgè dècahlô̆i d́ŏ ab́uge Krĭstu htè aò Macedŏniage kî Akhaĭage tòcò anikhĭ lò.

⁸ Manè̄ B́ĭcè awîakè̆ jo tè b́è adohtî htĕ Macedŏniagepho kî Akhaĭagepho tòcò lò ńò, ḿî thĭ dèb́u Kib́ĭcè nu awîakè̆ hŏtòthò̆gè d́ŏ dè ale dagwālè̄ nu. Gōnu akhoacè̆, wò mò d́ò alewe tò ò be dimĭ ńò.

⁹ Bija lŏcăcè bò̄igè htè thĭ scĭi thuŭthèègè wa b́ĕ we ledohtî thĭ nu, thĭ d́a debeb́agè thĭ ne dèjòdèja, kî thĭ d́ab́agè d́ŏ Kib́ĭcè ò nu, cab́ô̆htè thĭ gè̄ mèbò̄ Kib́ĭcè adî̄ahma kî athôḿô̆ dèbwè adè nu,

¹⁰ kî thĭ dôi Zo Pho ò d́ŏ Mò̄kho adèlela, Zo Pho Jezŭ htè Zè mèhtaboge d́ŏ dèthĭ kî amèhlô̆htage wa d́ŏ B́ĭcè adèthèhtè abu htè agā lab́è nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan