Bìoball air-loidhne

1 Petru 2 - Geba Roman New Testament

Lo Aòthôḿô̆ kî Bijakhwĭpho tcahtĭ

¹ Ò hmebò̄ kî ḿîbò̄ ḿè bija amò htèkè̆htèô, bwètòṕòkho, athakladè kî amò b́èd́òb́èsa tòcò nu ḿè.

² Thĭ ḿî bwè aòlathè̆, thĭ mò lakî abĭsèpho aò̆nu htè nuhtĭ akhlŏ ada thaò̆ dimĭ ńò akhò̆ nu thaẃithaò̆ b́è thotha adèdî̄dèhma htè agè̄ mèdohta thĭ d́ŏ dèhlô̆htage abu nu.

³ Acab́ô̆ Cè Tcahtĭ d́ò nu, “Khŏnujo thĭ dî̄tcab́è thĕne htŏ Kib́ĭcè adèèdèò̆ akhoacè̆ nu.”

⁴ Zî ḿî Lo Aòthôḿô̆ htè bija htîphlòḿĭ, ḿî Kib́ĭcè rôhtagè kî aḿî alīdobwîthè̆ Zi nikhĭ dèmè̆ nu.

⁵ Le òb́ôhtîbò̄ Cè, cab́ô̆htè thĭ ḿî ḿî thĭ gā pakô dèphŭgi tcahtĭ ahluhtai thotha adèhluhta htè Jezŭ Krĭstu hluhtai B́ĭcè kî ab́èthob́ètha zî̄ Cè dèdè̆ nu htè amèphî̆hta thĭ thotha hiphă anikhĭ lo aòthôḿô̆ tòcò nu.

⁶ Acab́ô̆ Cè Tcahtĭ d́ò nu; “Tcabò̄ d́ŏ Zion nu, jè b́è̆lăgè hinebu lokăd́ò̆ alīdobwîthè̆ dèmè̆, kî jô rôhlègè bija asascĭi lo ajo dèmè̆ gā ta thablè̄kò̆ ńò nu.”

⁷ Anu ḿî thĭ htè ab́u tòcò anikhĭ lo ḿî alīdobwîthè̆, ḿî atu b́u ńò tòcò anikhĭ ḿî; “Aprahi tòcò htîphlòḿĭ dèmè̆ nu, agî̄ phî̆htakò̆ hinebu alokăd́ò̆.”

⁸ Kî alewe dagla d́òwe d́ò̆; “Lo ajo ḿî bija htè̆thukŭ, kî ladēlahlô b́è dèmè̆ nu.” Cè tòcò htè̆thukŭ ladēbla d́ŏ cu tu b́u B́ĭcè alēahwè ńò akhoacè̆ nu; anu ḿî d́ŏ Kib́ĭcè adèb́ètha abu nu.

⁹ Thĭ ḿî ab́èrô dikhwĭ, saphra aphŭgi akhwĭ, bijakhwĭpho tcahtĭ, bwè ab́è b́è̆lăbā agā htăhtai Kib́ĭcè ajohtaphlòḿĭ d́ŏ dèkhiklè̆ d́ŏ Zè dèhlî̆ amòama dèbwè abu nu.

¹⁰ Hlĕ mocè̆kho nu, thĭ dî ḿî thagò̆ bija dikhwĭ ńò, ḿî khŏnujo, thĭ phî̆htagè Kib́ĭcè abija, hlĕnu thĭ ògè Kib́ĭcè adèkhòwèhmòb́è akhlŏ, ḿî khŏnujo dèkhòwèhmòb́è b́è ilanigè thĭ.

Kib́ĭcè Azôabwè tòcò

¹¹ Jò d́ònosabè thĭ, jè b́èlò̄ ji bija tòcò, b́ĕ thĭ ḿîwe tĭtèḿè̆ ahèkôklè tòcò akhî jo nu, òhlô̆òlabò̄ dèlarū, htè amèkĕmèbrô ka tha tòcò nu.

¹² Ò thăbrābò̄ d́ŏ bwèthŭkupho tòcò aklè̆ nu, cab́ô̆htè ca ka tcahtî thĕne thĭ dèphîdèmè awîaè tòcò kî d́ŏ dèigetcage amunimuthè̆ kè̄ b́è nu, thîhè̆htagebò̄ B́ĭcè d́ŏ bija tòcò cirrathĭ acab́ô̆ bija adèkèḿè do tòcò akhè̆ nu.

¹³ B́ĭcè Dèado amūkă akhoacè̆, phînibò̄ akhoane tòcò adèhtulahmèla, Saphrado acab́ô̆ Ahtajî gudu kî atcaiŭidè tòcò aphlŭathere agī cirra adèkèḿè do tòcò kî agā htăi htĭgepho awîaè tòcò nu.

¹⁴ B́ĭcè adèthaèni ḿî thĭ gî̄ ḿîbò̄ htĭlegepho awîaè tòcò nu, cab́ô̆htè thĭ gè̄ mè kèhtabò̄ agudu tòcò gô̄ bôlab́ibò̄ alòmò nu.

¹⁵ Kib́ĭcè gā hwă thĭ dî ḿî bija azôabwè dèbwè̆ ńò. Mègōnu d́ō, òbò̄ acab́ô̆ bija ahlô̆ala tòcò nu,

¹⁶ kî mèibò̄ ḿè thĭ dèòhlô̆òla d́ŏ dèkî̆kkèmèhlò̆ aklè̆ ḿè, ḿî òbò̄ acab́ô̆ Kib́ĭcè azôabwè nu.

¹⁷ D́ŏb́èj́ab́è kî b́èlò̄bò̄ bija aòwe dèòplo abu gŏ abwè; ascisăni Kib́ĭcè ale kî j́ab́èbò̄ saphrado.

Krĭstu Kha Dèssègnè̆

¹⁸ Zôpho tòcò gò̄ sòkhĕńelēthèhô̆ b́è ab́icè tòcò nu. Tè b́è htĕ co thowîthamò kî zè dèkhòwèhmòb́è ò akhî lò nu ńò, ḿî b́ĕ zè dèphîdèmè tòcò tè b́èklè ńò akhî nu papa.

¹⁹ Tcabò̄, thĭ gò̄ khòthad́ò̆i b́eḿĕ dèb́èmūb́èhta atè b́èklè ńò ḿî thĭ thîhè̆ Kib́ĭcè adèb́ètha akhoacè̆ nu, Kib́ĭcè gô̄ hôwîkò̆ thĭ nu.

²⁰ B́eḿĕ thĭ kè b́èmūb́èhta ab́èklè d́ŏ thĭ dèkèḿè ò acè̆ d́ō, amò kòihtăi thĭ kò ò d́ò̆ danè̄? Thĭ mè pĕhtazòhta nòthò̆ thĭ dèmè ḿî thĭ b́èmūb́èhta nu Kib́ĭcè gô̄ hôwîkò̆ thĭ d́ŏ dèjo akhoacè̆ nu.

²¹ Ahnèhnè nu, thĭ dèb́èhjŏ ḿî gōjo; manè̄ kò̄ d́òdo d́ō, Krĭstu khab́è dèssègnè̆bòdò thĭ nikhĭ kî cè d́è̆lî̄gè thĭ klè agē lekô ze le tòb́ò̆ nu.

²² Zè dè mèkèḿègè dè dimĭ ńò kî d́ŏ zò lòmò bu dèjî̄b́è akèḿè tò ògè dimĭ ńò.

²³ Cè b́è hô b́è hò̆, ḿî Cò tò d́òscĭge dè alī dôhmô̆ ńò. B́ĕ Cè b́èdeb́èbo nu, Za da htadohtaragè ńò, ḿî sascĭi acirradè adî̄ahma abu dèbwè lò.

²⁴ Cè thè̆ne j́ahtagloi wè dèkèḿè d́ŏ Krusu alò kî Cò ògè dètcahtĭ abu; cab́ô̆htè wi gī thĭ b́è d́ŏ dèkhòwè abu kî thôḿô̆b́è d́ŏ dèdî̄dèhma abu nu. D́ŏ Zu bulebukle acè̆ thĭ b́è mèhmage htŏ.

²⁵ Thĭ sèphrògè cab́ô̆ thŏ tòcò nu, barasă khŏnujo thĭ geb́ahtî htŏ atcai thŏ kî aḿî thĭ tho thĭ tha adèkèdôi dèbwè ò nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan