Bìoball air-loidhne

1 Kòrĭn 5 - Geba Roman New Testament

Dèòthôḿô̆ Akî̆kkè d́ŏ Dèòplo abu

¹ Ji thîhè̆b́è d́ŏ thĭ klè̆ dèbwè òkô thèd́è̆ ca pa ahmè̆ akă. Dè ajo ḿî akhorokhara pwĕ bwèthŭkupho aklè̆ hnò̆nu atò ò phròhlè ńò nu.

² Thĭ gî̄ phîdophîmu d́ò̆ thĭ ne cadè̄? Thĭ mòjomòha dòkhò̆. Amikhŏ gōnu dèbwè b́è hna hèhtaphlòḿĭ d́ŏ thĭ klè̆ nu.

³ D́ŏ je neb́î̆cè alò jò òjî nòthò̆ thĭ hnò̆nu, d́ŏ thotha abu jò òkô thĭ kă kî cirrathĭ htŏ bija amè gōnu dèbwè nu, mè acab́ô̆ jò òkô thĕbwegè thĭ kă nu.

⁴ B́ĕ thĭ ladēplo lōwa d́ŏ B́ĭcè Jezŭ ami abu nu kî d́ŏ thotha abu jò òkô thĭ kă nu, d́ŏ wî B́ĭcè Jezŭ acô̆thèlè̆ abu,

⁵ bija anu dèbwè b́è ilaphlòḿĭ htŏ Sătana acukhòbu cab́ô̆htè ze neb́î̆cè akhorokhara kè kè̆ ka pjă kî ca tha gô̄ hlô̆htagebò̄ d́ŏ B́ĭcè amuni dini abu nu.

⁶ Thĭ bè̄htahtô̆ thĭ ne ḿî atè b́ènibòni hnî̆ńò. Thĭ thîhè̆b́è htè, “Gimi atôzôpho lò hnò̆nu amèthè̆hta za toko cadè̄ nu.”

⁷ Mègōnu d́ō, phîkè̆bò̄ gimi alila cab́ô̆htè thĭ gî̄ plî̆ gā tcăbò̄ nu, kî mèbò̄ thĭ ne toko athè̆ ta d́akŏ, htè gimi ta pakô ńò nu. Krĭstu, wa Păskwa Thŏ b́è hluhtai hwă htŏ,

⁸ khŏnujo wa kha pwè̆ kha la d́ò̆è dakha d́ŏ dèhwĕphlòḿĭ dè atè è ńò kî dèkî̆kkèmèhlò̆ agimi nu, kî òibò̄ Dèthodanāthadanā kî dèdî̄dèhma toko htè gimi ta pa ńò nu.

⁹ B́ĕ je hweni thĭ cè kî d́ò thĭ akò̄ tò òplosò̆jī bija akî̆kkè tòcò ńò nu,

¹⁰ tè b́è ja thaè d́ò bija alathulakèḿè, bija aăwūăthèphlèdè, a ahumèkè̆dè, ahlòhlî̆hlòplè dè kî athèb́è̆ bwèjò tòcò ńò. Thĭ gè̄ mègōnu anikhĭ thĭ kò òbā b́è Lākho lò.

¹¹ Ja thaè d́ò ḿî thĭ kò tò òplosò̆jī bija htè ad́òla ane thè̆buwe, barasă adèphîdèmè khorokhara, aăwūăthèphlèdè, athèb́è̆ bwèjòbwèja, adohôdohò̆ dè, aò̆hmuapò, adîdî̄dahma ńò tòcò nu. Thĭ dò mò a plo ò̆ plo thagò̆ bija anu tòcò nu ńò.

^12-13 Aò dèòplo abu tòcò nu, thĭ cirraphame za tèpwè cè tòcò. Ḿî aò akhlŏ tòcò anikhĭ Kib́ĭcè ḿî acirradè! Thĭ gā hna hèhtakè̆ b́è bija amè dèkî̆kkè ajo dèbwè d́ŏ thĭ klè̆ nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan