Bìoball air-loidhne

1 Kòrĭn 16 - Geba Roman New Testament

Dèhlu d́ŏ Krĭstupho Jāthôthô Anikhĭ

¹ Khŏnujo, thĭ hwegè ab́èkja pĭd́ŏpĭsa htè thĭ htugè d́ŏ thĭ gè̄ mèzo Kib́ĭcè abija aò Judĕage tòcò anikhĭ lò. Thĭ mò mè acab́ô̆ jò d́ò̆sagè Galătiage adèòplopho tòcò akhò̆ nu lò.

² Gŏ Musòd́è̆ ani adĕ nu, thĭ dèbwè kî dèbwè, cab́ô̆ asciatakî thĭ dènib́è tòcò nu, thĭ b́è b́è̆lăbā pĭsa, cab́ô̆htè b́ĕ je ledohtî thĭ akhè̆ agò̄ do lobabò̄ thĭ htu ńò anikhĭ nu.

³ B́ĕ je ledo nu, ji gī ila bija htè thĭ b́ètha tòcò dèhmèla acèborŏ kî lei thĭ è̆ dèhlu d́ŏ Jerŭsalèm u nu.

⁴ Jò̄ mò le thè̆ne d́ō, ze gē lekô b́è ja kă kă.

Păulu Adèkŏdèkja tòcò

⁵ Je lenī hwă Macedŏniage khaĺè je gē lehtîkò̆ thĭ, manè̄ d́ō jè b́è lenīkô Macedŏniage lò.

⁶ Jo gomo d́ŏ jò kò̄ òkô thĭ kă tod́odasa, b́ètèb́èńò gî̄ ḿî dèhòkhè̆ thèd́è̆khè̆ d́o. Hwă d́ō, je gē le kòd́ò̆ ahlò̆mò̄ dalālā anikhĭ thĭ gè̄ mèzo zabò̄d́ò̆ jè mò̄ ja sascĭ tèpwè do.

⁷ Ja da thaè le ò sò̆dūsòd́è̆ kô thĭ kă tod́odasa lò ńò. Ja thaè òkô òjî̄ d́osè thĭ kă, cab́ô̆ Kib́ĭcè i jè akhwè nu.

⁸ Jò kò ò b́ĕ Ephè̆sus U jo htô̆do d́ŏ Pentekò̆stè amuni nu.

⁹ Bija ahtad́ĕd́òdè b́ĕjo ò nòthò̆ òè̆bwè hnò̆nu, klè b́ăhtakhò̆ hnè tèpwè ane d́ŏ dèmè adoamu anikhĭ.

¹⁰ Timò̆theo gē lehtî thĭ d́ō, scĭi mòmòwîwîbò̄ cè, manè̄ cè ḿîgè amè Kib́ĭcè adèmè, acab́ô̆ jè lò lò.

¹¹ Ca dalakăbò̄ ḿè cè dèbwè̆ ḿè, barasă thĭ b́è mèzo cè d́ŏ zè dèlle ahlò̆mò̄ mòmòwîwî anikhĭ nu, khaĺè ze gē geb́ahtîkò̆ jè. Manè̄, jô dôlai cè kîd́ò̆ thè̆buwe ab́udè tòcò gē geb́ahtî jè lò.

¹² Khŏnujo, ab́èkja Apò̆llòs awîakè̆ nu, ji ikhoiă thĕbwethîlî̆ cè kî ab́udè tòcò gē lehtîbò̄ thĭ nu, barasă htô̆ khŏnujo za da tha ò d́ŏ agē le hnî̆ńò. Barasă akhîagla ḿî è zi nikhĭ d́ō, ze gē le tèpwè.

Dèd́ò̆sa Alekăgudŭ

¹³ Sòiwoibò̄ thĭ ne, sò̆hto hmeglobò̄ dèb́u abu, òibò̄ dèkhŭdèhè̆, òibò̄ dèkhodèă.

¹⁴ Mèbò̄ thĭ dèmè lŏcăcè d́ŏ dèb́èlò̄thòklè̆ abu nu.

¹⁵ Thĭ thîhè̆ tèpwè Stèphanas kî ahiphophăpho awîakè̆; cè tòcò ḿî bija akèhta Krĭstupho asô̆ d́ŏ Akhaĭage abu kî ilagè ane tòcò d́ŏ B́ĭcè adèphîdèmè abu nu. Ja damò thĭ, thè̆buthè̆we tòcò,

¹⁶ lôkôbò̄ bija acab́ô̆ ajo tòcò ale, kî mèkôbò̄ bija akèkhokène B́ĭcè adèmè ploplo kî cè tòcò nu akă.

¹⁷ Ja thaganāi d́ŏ Stèphanas, Fortunatus, kî Akhaĭkus tòcò le akhoacè̆ lò. Cè tòcò leblô thĭ agā tcai jè anikhĭ lò.

¹⁸ Cè tòcò mèḿò ja tha acab́ô̆ zè mèmògè thĭ tha akhò̆ nu. Bija gōjo tòcò ta nib́è dèhnè̆i lè̄dakè̆ tèpwè.

¹⁹ Dèòplo htè aò d́ŏ Asĭa age tòcò thè̆le adèsŏwîsŏmò thĭ lò. Akwĭla kî Priskĭlla kî dèòplo aladēplo zi hibu tòcò thè̆le Krĭstupho adèsŏwîsŏmò d́ŏ thĭ ò lò.

²⁰ Ab́udè aò b́ĕjo lŏcăcè tòcò sŏwîsŏmò b́è thĭ lò. Sŏwîsŏmòhlèbò̄ lōwa d́ŏ thè̆buthè̆we adèhnŭẃi nu.

²¹ Je hwelai ju cukhò ajo, “Sŏwîsŏmò thĭ d́ŏ Păulu.”

²² Bija htè atè b́èlò̄ B́ĭcè ńò tòcò kè̄ b́è dò̆bò̄è dèhôkî̆kkè! Marana tha—Ŏ B́ĭcè, lebò̄!

²³ B́ĭcè Jezŭ adèhludètă òbò̄ thĭ lò.

²⁴ Jè dèb́èlò̄ kò ò d́ò̆è thĭ klè̆ gŏ abwè d́ŏ Jezŭ Krĭstu abu nu.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan