Bìoball air-loidhne

1 Kòrĭn 13 - Geba Roman New Testament

Dèb́èlò̄

¹ Jî gî̄ jî̄b́è za nòthò̆ dè alēahwè amŏamo kî d́ò za nòthò̆ Mò̄khobwèzo tòcò alēahwè hnò̆nu, Jè dèb́èlò̄ kò tò ò ma ńò d́ō, ja gā la tèpwè acab́ô̆ mò alē thè hŏtòthò̆ kî lèkhajă phla alē nu lò.

² Jò kò d́ò̆sadòlò za dè acab́ô̆ Prò̆fèt nu, jî gî̄ thîhè̆ lŏ dèòhu tòcò ahtabohtab́ă kî thîhè̆ dè gŏmihtĭda; kî jè dèb́u gē pĕhta pwĕ ja hna hè kèhta khò̆mukhòlò̆ tòcò hnò̆nu, jè dèb́èlò̄ kò tò ò ma ńò d́ō, jî dî ḿî da dimĭ ńò.

³ Ji ki ikè̆ jè dè aòni jè lŏcăcè, kî ila je neb́î̆cè akè b́è ŭgè̄la nòthò̆ jè dèb́èlò̄ ka ta pa ma ńò d́ō, ji nikhĭ akhlŏhtamame kò tò ò tèpwè dimĭ ńo.

⁴ Dèb́èlò̄ ḿî akhòthad́ò̆ kî akhòwèhmòb́èdè, ata thakla dè ńò, adè bè̄htahtô̆ ane ńò,

⁵ dèb́èlò̄ tò òi kjîmô atè è ńò tòcò ńò, adalarū ńò, ada thadohta za ńò, adî phî bija akho dèkèḿè ńò,

⁶ ada thaganāikô dè dîdî̄dahma abu ńò, ḿî athaganāi kô dèdî̄dèhma lò.

⁷ Dèb́èlò̄ da khascu ane dakha ńò, adèb́u, adèsascĭ, adèkhòthad́ò̆ ò thèj́ô̆ lò.

⁸ Dèb́èlò̄ ò lahtŭlablo lò. Dèd́òdòlò adèila kò ò nòthò̆ hnò̆nu, agū kŭdu za dini tèthè̆, dèila dèlēdèhwè amŏamo kò ò nòthò̆ hnò̆nu, dini tèthè̆ agò̄ sò̆tab́a tèpwè, dèthîhè̆ dèzadèbla tòcò hnò̆nu gò̄ phlòtôlô tèpwè.

⁹ Manè̄ d́ō, wè dèthîhè̆ ḿî ade lēdū ńò, kî wè dèd́òdòlò ḿî ade pĕhta za ńò,

¹⁰ barasă b́ĕ dèpĕhtazòhta akhîb́è tapla d́ō, dè ate pĕhtazòhta ńò gè̄ hlè̆mè̄ tèpwè.

¹¹ Hlĕ ji bĭsèpho we nu, jî jî̄b́è acab́ô̆ abĭsèpho nu, jè dèlè̄tholè̄tha ḿî acab́ô̆ abĭsèpho nu, kî jo gomo acab́ô̆ abĭsèpho nu, ḿî khŏnujo jî ḿîgè anedo dèbwè, jè lè̄dakè̆ lŏ htŏ abĭsèpho adèphîdèmè tòcò nu.

¹² Khŏnujo wa tcahtî bobĭboba dègèlè d́ŏ mētca alò nu, ḿî ano tapla khaĺè wè gè̄ kèhtîb́èkò̆ lōwa amūkă. Khŏnujo jè dèthîhè̆ de pĕhtazòhta hnî̆ńò, ḿî alekă jî kî thîhè̆ pĕhtazòhtakò̆ acab́ô̆ jè b́è thîhè̆ nu.

¹³ Khŏnojo, dè aò thèj́ô̆ ḿî thŏ mo; dèb́u, dèsascĭi, kî dèb́èlò̄; kî d́ŏ aklè̆ adokhlŏ ḿî dèb́èlò̄ lò.

« Roimhe

Air adhart »

Bible Society of Myanmar

Lean sinn:

Ceanglaichean taic

Sanasan