Linge 99 - Ghari

God Aia na Taovia Loki Tsapakae

¹ Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

² Na Taovia e susuliga sosongo i Sion; me loki tsapakae kaputigira na puku sui.

³ Migira na tinoni sui sauba kara tsonikaea na lokina ma gana tangirongo na asana tabu. !Aia segeni e tabu loki!

⁴ Taovia Tsapakae Susuliga, igoe o reingaoa na omea e goto; migoe nogo o turuvaginia na pedegoto ma na pedelaka i laomami igami na Israel;

⁵ !Tsonikaea na Taovia nida God; samasama vania i matana nina sasana na totukae! !Aia segeni e tabu loki!

⁶ Mi kaira a Moses ma Aaron ara ka lia nina manetabu, ma Samuel aia kesa e dona na nonginongi vaniana; tugira ara tu soâ na Taovia maia e rongomia tu niqira nonginongi.

⁷ Na Taovia e totu i laona kesa na parako loki me goko vanigira nina tinoni; migira ara murigira na ketsa ma na vali aia e tusua vanigira.

⁸ Taovia niqu God, igoe o rongomia niqira nonginongi nimu tinoni; mo sauvulagia vanigira laka igoe nogo na God na galuve mo dona na padaleana niqira sasi, atsa moa ti igoe o kedegira tana rongona niqira sasi.

⁹ !Tsonikaea na Taovia nida God; samasama vania tana nina vungavunga tabu! Na Taovia nida God aia segeni e tabu loki.