Linge 93 - Ghari

God Aia na Taovia Tsapakae

¹ Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

² Taovia kalina ara tau vati tuturiga moa na omea sui, migoe o totu ida nogo. mo taovia tsapakae tû nogo tana tuturigana.

³ Taovia, e poda loki na kararana na panu tana kema; me manunu loki sosongo na tatangina.

⁴ Migoe Taovia o susuliga sosongo i gotu i baragata, susuliga liusia bâ na kararana na baro i levugana na kema, susuliga liusia bâ na panuna na tasi.

⁵ Taovia, nimu ketsa ara totu saviliu, ma nimu Vale Tabu igoe e tabu loki sosongo, na dani ma na dani.