Linge 87 - Ghari

Na Linge na Tsonikaeana Na Vera ni Jerusalem

¹ Maia na Taovia e logoa nina verabau i kelana na vungavunga tabu;

² maia e padalokia na verabau ni Jerusalem liusigira bâ na vera tavosi sui tana Israel.

³ Igoe nina verabau God ko rongomigira na omea dou rago aia e tsaria tana rongomu igoe:

⁴ “Kalina inau kau maretsuna na soaqira igira na puku sui ara rongomangaqu inau, me sauba inau kau adisagekaira goto na Ejipt ma na Babilon; migira sui na tinoni ni Pilistia, mi Tire, mi Sudan, sauba kau tsokosaigira goto kolugira na tinonina na Jerusalem.”

⁵ Mi tana rongona i Sion, sauba kara tsaria laka aia nogo niqira vera pukuga na puku sui, maia nogo na Taovia Susuliga Sosongo sauba ke vaturikakaia.

⁶ Aia na Taovia sauba ke maretsuna na soaqira pipi sui lakalaka na mamatana tinoni, me ke tsaria laka igira sui na Jerusalem sui moa.

⁷ Migira kara gavai ma kara lilinge ma kara tsaria, “I Sion nogo e talumai pipi sui nida omea dou.”