Linge 85 - Ghari

Na Nongiana God Ke Douvisutugua na Vera

¹ Taovia igoe o galuve sosongolia nimu kao; mo naua migami na Israel ami douvisutugua.

² Igoe o padale vanigira nogo niqira sasi igira nimu tinoni, mo veoligi vanigira pipi sui niqira nauseko ara naua.

³ Mo tau nogo kore vanigira, mo mololenogoa nimu momosatoba vanigira.

⁴ Ko adivisugami tugua, igoe God nimami vagamauri, mo ko laka goto na reisaviamami.

⁵ ?Egua, laka sauba ko kore saviliu vanigami moa? ?Me laka nimu momosatoba ke tau goto sui?

⁶ Ko naua migami sauba kami tukakai tugua, migami nimu tinoni sauba kami gini tsonikaeaginigo.

⁷ Taovia ko sauvulagia vanigami nimu galuve vo oli, mo ko sangagami ma kami gini mauri.

⁸ Inau sauba kau rongomi vatavia na omea God ke tsarivaniau. Aia e vekea laka sauba ke saua na rago vanigita igita nina tinoni segeni, ti vaga igita ka tau visutugua tana sautu sasi a muria i sau.

⁹ Aia e vangaraunogoa laka ke maurisigira igira ara kukuni tania, maia sauba ke totu kalavata kolugita i laona na verada.

¹⁰ Mi tana tagu ia, sauba igira na tinoni kara dona na vaigaluvegi ma na vaitabegi; me ke gotodou niqira sasaga, ma kara totu tana rago.

¹¹ Niqira sasaga mana na tinoni ke talu i lao me ke ba tsau dato i gotu; ma nina gotolaka God ke tû i gotu me ke morotsuna mai i lao.

¹² Eo, na Taovia sauba ke paboa nida tamani igita, ma kara lakaga dou sui nida uta.

¹³ Na gotolaka ke idaida vania na Taovia me ke vangaraua na sautu vania.