Linge 84 - Ghari

Na Ngao Sosongoliana Na Sage i Valena God

¹ !Inau au padaloki sosongolia nimu Vale Tabu, igoe Taovia Susuliga Sosongo!

² !Mau kili sosongolia kau ba totu i tana! E siloviau sosongo laka kau ba totu i laona nina Vale Tabu na Taovia. Tana tobaqu popono inau au linge tana magemage vania aia na God mamauri.

³ Migira goto na manubau, mara dona na logoana na binuqira, migira na pikapikamasanga, mara tamanina na valeqira segeni tana nimu Vale Tabu; mara mololaka na daleqira tetelo ligisana nimu belatabu, igoe Taovia Susuliga Sosongo, niqu taovia tsapakae mo niqu God.

⁴ Ara mage sosongo nomoa igira ara mauri i laona nimu Vale Tabu, mara lingena sailagi na tsonikaeamu igoe.

⁵ Ara gini mage sosongo igira ara tsotsovata kakai i konimu igoe, igira e silovigira sosongo na liu tana sautu e vano kalea na Vungavunga Sion.

⁶ Mi kalina igira ara liu tsapatugu bâ tana qou mamatsa ni Baka, ma na ko vuravura e tavongani vura dato i tana; me tumu na usa tana matsaraka mara gini dangadanga na maomao na kô.

⁷ Migira ara susuliga babâ moa kalina ara vanovano i sautu; mi kalina kara ba tsau i Sion mi tana ti sauba kara reia God, aia e God loki liusigira na god sui.

⁸ Igoe Taovia God Susuliga Sosongo, ko rongomia niqu nonginongi. Igoe nina God a Jakob ko rongomi vataviau.

⁹ God, ko vangalaka vania nimami taovia tsapakae, aia na taovia tsapakae igoe o vilinogoa.

¹⁰ Kesa lelê moa na dani na totu i laona nimu Vale Tabu igoe e dou liusia bâ kesa na toga na dani na totu kesa tana nauna segeni; kau reingaoa bâ na totu moa i matsapana na valena niqu God, liusia bâ na totu i laona na valeqira na tinoni vanga tsutsukibo.

¹¹ Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

¹² !Taovia Susuliga Sosongo, ara mage manana igira ara norukakaigo igoe!